കണ്ണൂര്‍: പത്രം വായിച്ചുകൊണ്ടിരുന്ന യുവാവിന്റെ വീട്ടില്‍ കയറി മുഖത്ത് ആസിഡ് ഒഴിച്ചെന്ന് പരാതി. പെരുന്തടത്തെ തോപ്പില്‍ രാജേഷി(47)ന്റെ മുഖത്താണു ആസിഡ് ഒഴിച്ചത്. പരിക്കേറ്റ രാജേഷിനെ പരിയാരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. മരം വെട്ടു തൊഴിലാളിയാണ് രാജേഷ്.
ഞായറാഴ്ച രാത്രി പത്തിനാണ് സംഭവം. ആസിഡ് ഒഴിച്ചയാള്‍ ഓടി രക്ഷപ്പെട്ടു. വീട്ടില്‍ കസേരയില്‍ ഇരുന്നു പത്രം വായിക്കുകയായിരുന്നു രാജേഷ്. അതിനിടെയാണ് ആക്രമണമുണ്ടായത്. കമ്പല്ലൂര്‍ സ്വദേശിയാണു ആസിഡ് ഒഴിച്ചതെന്നാണ് സംശയം. സംഭവമറിഞ്ഞു ചെറുപുഴ പോലീസ് സ്ഥലത്തെത്തി. പ്രതിക്കായി പോലീസ് അന്വേഷണം ഊര്‍ജിതമാക്കി.
വീട്ടിലിരുന്ന് പത്രം വായിച്ചുകൊണ്ടിരുന്ന യുവാവിന്റെ മുഖത്ത് ആസിഡ് ഒഴിച്ചു; പ്രതിക്കായി തെരച്ചില്‍
Byadmin
Feb 5, 2024