ശങ്കര്‍ മഹാദേവന്റെയും സക്കീര്‍ ഹുസൈന്റെയും ഫ്യൂഷന്‍ ബാന്‍ഡായ ‘ശക്തി’ ഗ്രാമി അവാര്‍ഡ് നേടി . ‘ദിസ് മൊമെന്റ്’ എന്ന ഏറ്റവും പുതിയ ആല്‍ബത്തിനാണ് മികച്ച ഗ്ലോബല്‍ മ്യൂസിക് ആല്‍ബത്തിനുള്ള അവാര്‍ഡ്. ഗണേഷ് രാജഗോപാലിനൊപ്പം ശങ്കര്‍ മഹാദേവന്‍ പുരസ്‌കാരം ഏറ്റുവാങ്ങി.
എട്ട് ഗാനങ്ങളാണ് ആല്‍ബത്തിലുള്ളത്. ശങ്കര്‍ മഹാദേവന്‍, സക്കീര്‍ ഹുസൈന്, ജോണ്‍ മക് ലോഗ്ലിന്‍, വി. സെല്‍വഗണേഷ്, ഗണേഷ് രാജഗോപാലന്‍ തുടങ്ങിയവരാണ് ഗാനങ്ങള്‍ ചിട്ടപ്പെടുത്തിയത്. 2023ലാണ് ആല്‍ബം റിലീസായത്. മികച്ച ഗ്ലോബല്‍ മ്യൂസിക് പെര്‍ഫോമന്‍സ് അവാര്‍ഡും മികച്ച കണ്ടംപെററി ഇന്‍സ്ട്രുമെന്റല്‍ ആല്‍ബം പുരസ്‌കാരവും ഉള്‍പ്പെടെ മൂന്ന് ഗ്രാമി പുരസ്‌കാരങ്ങളാണ് സകീര്‍ ഹുസൈന് ലഭിച്ചത്.
ടെയിലര്‍ സ്വിഫ്റ്റിന്റെ ‘മിഡ്നൈറ്റ്‌സ്’ മികച്ച ആല്‍ബമായി തെരഞ്ഞെടുക്കപ്പെട്ടു. മികച്ച സോളോ പോപ് പെര്‍ഫോമന്‍സിനുള്ള അവാര്‍ഡ് മിലി സൈറസ് ലഭിച്ചു. ഈ വര്‍ഷത്തെ മികച്ച കണ്‍ട്രി ആല്‍ബമായി ലെയ്നി വില്‍സണ്‍ന്റെ ‘ബെല്‍ബോട്ടം കണ്‍ട്രി’യും മികച്ച അര്‍ബന്‍ ആല്‍ബമായി കരോള്‍ ജിയുടെ മാനാനാ സെറ ബോണിട്ടോയും തെരഞ്ഞെടുക്കപ്പെട്ടു.
ഗ്രാമി അവാര്‍ഡ് തിളക്കത്തില്‍ ‘ശക്തി’; മികച്ച ഗ്ലോബല്‍ മ്യൂസിക് ആല്‍ബത്തിനുള്ള അവാര്‍ഡ് നേടി ശങ്കര്‍ മഹാദേവന്റെയും സക്കീര്‍ ഹുസൈന്റെയും ഫ്യൂഷന്‍ ബാന്‍ഡായ ശക്തി
Byadmin
Feb 5, 2024