കുവൈത്തിലേക്കുള്ള ഫിലിപ്പീൻ ഗാർഹിക തൊഴിലാളികളുടെ റിക്രൂട്ട്മെന്റ്; സാങ്കേതിക തടസ്സങ്ങൾ നീക്കാൻ ചർച്ച

കുവൈത്ത് സിറ്റി: കുവൈത്തിലേക്കുള്ള ഫിലിപ്പീൻ ഗാർഹിക തൊഴിലാളികളുടെ റിക്രൂട്ട്മെന്റ് പുനഃസ്ഥാപിക്കുന്നതുമായി ബന്ധപ്പെട്ട സാങ്കേതിക തടസ്സങ്ങൾ നീക്കുന്നതിനു കുവൈത്ത് യൂണിയൻ ഓഫ് ഡൊമസ്റ്റിക് ലേബർ റിക്രൂട്ട്മെൻ്റ് ഓഫീസുകളുടെ മേധാവി അബ്ദുൽ അസീസ് അൽ അലി ഫിലിപ്പീൻ തൊഴിൽ കാര്യ അണ്ടർ സെക്രട്ടറിയുമായി ചർച്ചനടത്തി.
ഇരു വിഭാഗങ്ങളും വളരെ പോസിറ്റീവ് ആയ നിലയിലാണ് ചർച്ചയെ അഭിമു ഖീകരിച്ചതെന്നും വൈകാതെ ഫിലിപ്പീൻ ഗാർഹിക തൊഴിലാളികൾക്ക് കുവൈത്തിലെത്താൻ സാധിക്കുമെന്നാണ് പ്രതീക്ഷയെന്നും യൂണിയൻ മേധാവി പറഞ്ഞു.
ഗാർഹിക തൊഴിലാളികളെ ഏറെ ആവശ്യമായി വരുന്ന റമദാനിനുമുമ്പ് തടസ്സങ്ങൾ നീക്കി ഫിലിപ്പീൻ, ശ്രീലങ്ക തുടങ്ങിയ രാജ്യങ്ങളിൽനിന്ന് തൊഴിലാളികളെ ലഭ്യമാക്കാനുള്ള നീക്കത്തിലാണ് അധികൃതർ.