കൊ​ടും​ശൈ​ത്യത്തിൽ അ​മേ​രി​ക്കയിൽ ജ​ന​ജീ​വി​തം കൂടുതൽ ദു​സ്സ​ഹ​മാവുന്നു; ശൈ​ത്യം ബാധിച്ചത് 60 ദ​ശ​ല​ക്ഷം ജ​ന​ങ്ങ​ളെ, മരണം 60 ആയി

ന്യൂ​യോ​ർ​ക്ക്: യു​എ​സി​ൽ ജ​ന​ജീ​വി​തം ദു​സ്സ​ഹ​മാ​ക്കി കൊ​ടും​ശൈ​ത്യം. ആ​ർ​ട്ടി​ക് കാ​ലാ​വ​സ്ഥ ശ​നി​യാ​ഴ്ച യു​എ​സി​ലെ ഭൂ​രി​ഭാ​ഗം പ്ര​ദേ​ശ​ങ്ങ​ളി​ലും കൂ​ടു​ത​ൽ ദു​രി​തം വി​ത​ച്ചു. ശൈ​ത്യ​ത്തെ തു​ട​ർ​ന്ന് 60 മ​ര​ണ​ങ്ങ​ൾ വി​വി​ധ സം​സ്ഥാ​ന​ങ്ങ​ളി​ൽ നി​ന്ന് റി​പ്പോ​ർ​ട്ട് ചെ​യ്തി​ട്ടു​ണ്ട്.
ക​ഴി​ഞ്ഞ ര​ണ്ടു​വ​ർ​ഷ​ത്തെ അ​പേ​ക്ഷി​ച്ച് ഈ​വ​ർ​ഷം ജ​നു​വ​രി​യി​ലെ ര​ണ്ടാ​ഴ്ച ത​ന്നെ ശൈ​ത്യം രൂ​ക്ഷ​മാ​യ​ത് ജ​ന​ജീ​വി​ത​ത്തെ സാ​ര​മാ​യി ബാ​ധി​ച്ചു. ശ​നി​യാ​ഴ്ച മൈ​ന​സ് 28 ഡി​ഗ്രി വ​രെ താ​പ​നി​ല താ​ഴ്ന്ന​തി​നു പി​ന്നാ​ലെ മ​ര​വി​പ്പി​ക്കു​ന്ന കാ​റ്റും വീ​ശു​ന്നു​ണ്ട്.
30 സം​സ്ഥാ​ന​ങ്ങ​ൾ ശൈ​ത്യ​ത്തി​ന്‍റെ പി​ടി​യി​ലാ​ണ്. 60 ദ​ശ​ല​ക്ഷം ജ​ന​ങ്ങ​ളെ ശൈ​ത്യം ബാ​ധി​ച്ചു. ഗ​താ​ഗ​തം, വൈ​ദ്യു​തി, വ്യോ​മ​യാ​നം എ​ന്നീ മേ​ഖ​ല​ക​ളെ​യും രൂ​ക്ഷ​മാ​യി ബാ​ധി​ച്ചു.
സാ​ധാ​ര​ണ ശൈ​ത്യം ക​ന​ക്കാ​ത്ത ടെ​ന്നി​സി പോ​ലു​ള്ള തെ​ക്ക​ൻ സം​സ്ഥാ​ന​ങ്ങ​ളി​ൽ മാ​ത്രം 19 മ​ര​ണ​ങ്ങ​ൾ റി​പ്പോ​ർ​ട്ട് ചെ​യ്തു. ഇ​തി​ൽ ഭൂ​രി​ഭാ​ഗം മ​ര​ണ​ങ്ങ​ളും ഹൈ​പ്പോ​തെ​ർ​മി​യ​യോ റോ​ഡ​പ​ക​ട​ങ്ങ​ളോ മൂ​ല​മാ​ണ്.
മെം​ഫി​സി​ൽ നി​ര​വ​ധി പൈ​പ്പു​ക​ൾ പൊ​ട്ടി. ന​ഗ​ര​ത്തി​ലു​ട​നീ​ളം ജ​ല​വി​ത​ര​ണം താ​റു​മാ​റാ​യി. ഇ​തേ​ത്തു​ട​ർ​ന്ന് മെം​ഫി​സ് സി​റ്റി കൗ​ൺ​സി​ൽ ശ​നി​യാ​ഴ്ച ഏ​ഴ് കു​പ്പി​വെ​ള്ള വി​ത​ര​ണ സ്റ്റേ​ഷ​നു​ക​ൾ തു​റ​ന്നു.
അ​ടു​ത്ത ഒ​രാ​ഴ്ച താ​പ​നി​ല ഉ​യ​രാ​ൻ സാ​ധ്യ​ത​യു​ണ്ടെ​ന്നാ​ണ് കാ​ലാ​വ​സ്ഥാ പ്ര​വ​ച​നം.