ഫോർഡ് മോട്ടോർ കമ്പനി ഇന്ത്യൻ വിപണിയിൽ പുതിയ ജെൻ എൻഡവർ അവതരിപ്പിക്കാൻ ഒരുങ്ങുന്നു

ഫോർഡ് ഇന്ത്യൻ വിപണിയിൽ വീണ്ടും പ്രവേശിക്കാനുള്ള ശ്രമത്തിലാണെന്നാണ് റിപ്പോര്‍ട്ടുകൾ. ജെഎസ്ഡബ്ല്യു ഗ്രൂപ്പുമായുള്ള ചെന്നൈ ആസ്ഥാനമായുള്ള നിർമാണ യൂണിറ്റ് വിൽക്കുന്നതിനുള്ള കരാർ കമ്പനി റദ്ദാക്കിയത് ഇതിലേക്ക് വിരൽചൂണ്ടുന്നു. തങ്ങളുടെ വിപണിയിൽ വീണ്ടും പ്രവേശിക്കാനുള്ള ബ്രാൻഡിന്റെ പദ്ധതിയെക്കുറിച്ചുള്ള വ്യക്തമായ സൂചനയാണിത്. ഇന്ത്യയിലെ പുതിയ എൻഡവറിന്റെ ഡിസൈൻ ഫോർഡ് ട്രേഡ് മാർക്ക് ചെയ്തു എന്നതും ശ്രദ്ധേയമാണ്.
ഫോർഡ് മോട്ടോർ കമ്പനി ഇന്ത്യൻ വിപണിയിൽ പുതിയ ജെൻ എൻഡവർ അവതരിപ്പിക്കാൻ ഒരുങ്ങുകയാണ്. 2025-ൽ ഇത് ഇന്ത്യൻ വിപണിയിൽ ലോഞ്ച് ചെയ്യപ്പെടാനാണ് സാധ്യത. കമ്പനിയുടെ ചെന്നൈ ഫാക്ടറിയിൽ എൻഡവർ അസംബിൾ ചെയ്യാൻ കമ്പനി പദ്ധതിയിടുന്നു. പുതിയ എൻ‌ഡവർ 3-വരി എസ്‌യുവി പുതിയ എഞ്ചിൻ ഓപ്ഷനുകളോടൊപ്പം എല്ലാ പുതിയ ഡിസൈനും ഇന്റീരിയറും നൽകുന്നു. 
പുതിയ എഫ്-150 റാപ്‌റ്ററിൽ നിന്ന് പ്രചോദനം ഉൾക്കൊണ്ടാണ് ഈ സ്‌റ്റൈലിംഗ്, വെർട്ടിക്കൽ സ്ലാറ്റുകളോട് കൂടിയ പുതിയ 3D റേഡിയേറ്റർ ഗ്രിൽ, പുതിയ ഡ്യുവൽ-പോഡ് പ്രൊജക്ടർ എൽഇഡി ഹെഡ്‌ലാമ്പുകൾ, സ്റ്റൈലിഷ് C-ആകൃതിയിലുള്ള LED DRL-കൾ, വിശാലമായ എയർ ഇൻടേക്ക് ഉള്ള പുതിയ ബമ്പർ, പുതിയ ഫോഗ് ലാമ്പ് എന്നിവ ഉൾപ്പെടുന്നു. ഒരു കൂറ്റൻ സിൽവർ ഫിനിഷ്ഡ് സ്‌കിഡ് പ്ലേറ്റ്, വലിയ 20 ഇഞ്ച് അലോയ് വീലുകൾ, സി ആകൃതിയിലുള്ള എൽഇഡി ടെയിൽ ലൈറ്റുകൾ, മേൽക്കൂരയിൽ ഘടിപ്പിച്ച സ്‌പോയിലർ തുടങ്ങിയവയും ലഭിക്കും.
സീറ്റുകൾ, സ്റ്റിയറിംഗ് വീൽ, ഗിയർബോക്‌സ് എന്നിവയ്‌ക്കായി ലെതർ അപ്‌ഹോൾസ്റ്ററി സഹിതമുള്ള ഓൾ-ബ്ലാക്ക് ഇന്റീരിയർ സ്കീമിലാണ് ഇത് വരുന്നത്. വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ, 12.3 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, പനോരമിക് സൺറൂഫ്, ഓട്ടോമാറ്റിക് എസി, ഇലക്ട്രിക്കലി അഡ്ജസ്റ്റ് ചെയ്യാവുന്ന ഡ്രൈവർ സീറ്റ്, 360 ഡിഗ്രി ക്യാമറ, മാട്രിക്സ് എൽഇഡി എന്നിവയ്‌ക്കൊപ്പം ലംബമായി അടുക്കിയിരിക്കുന്ന 12 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം എസ്‌യുവിയിൽ സജ്ജീകരിച്ചിരിക്കുന്നു.