കോഴിക്കോട്: കൊടുവള്ളി മാനിപുരത്തിനടുത്ത് ഇന്നലെ രാവിലെയുണ്ടായ അപകടത്തില് പരിക്കേറ്റ വിദ്യാര്ത്ഥിനി മരിച്ച സംഭവത്തില് പിക്കപ്പ് ഡ്രൈവര്ക്കെതിരേ കേസെടുത്ത് പോലീസ്.
കെഎംസിടി കോളജ് വിദ്യാര്ത്ഥിനി ഫാത്തിമ മിന്സിയയാണ് മരിച്ചത്. ഒപ്പം സഞ്ചരിച്ചിരുന്ന സുഹൃത്ത് ഫിദ ഫര്സാന പരിക്കേറ്റ് ചികിത്സയിലാണ്. അപകടത്തിന്റെ കൂടുതല് വിവരങ്ങള് അന്വേഷണത്തില് വ്യക്തമായതോടെയാണ് പിക്കപ്പ് ഡ്രൈവര്ക്കെതിരെ കേസെടുത്തത്.
എതിര് ദിശയിലെത്തിയ വാഹനം തട്ടി വിദ്യാര്ത്ഥികള് സഞ്ചരിച്ച സ്കൂട്ടര് സ്വകാര്യ ബസിന് മുന്നിലേക്ക് വീഴുകയായിരുന്നു. സമീപത്തെ കെട്ടിടത്തിലെ സി.സി.ടിവി ദൃശ്യങ്ങളില് പരിശോധിച്ചതില് നിന്ന് ഒരു പിക്കപ്പിന്റെ മുന്വശം തട്ടിയാണ് സ്കൂട്ടര് ബസിന് മുന്നിലേക്ക് വീണതെന്ന് വ്യക്തമായി.
കൊടുവള്ളി പെരിയാംതോട് സ്വദേശിയുടെ ഉടമസ്ഥതയിലുള്ള അഡ്മാസ് എന്ന് പേരെഴുതിയ ഏയ്സ് പിക്കപ്പ് വാനാണ് സ്കൂട്ടറിനെ ഇടിച്ചത്. അപകട ശേഷം നിര്ത്താതെ പോയ വാഹനം ഉടന് കസ്റ്റഡിയില് എടുക്കും.