കേരളത്തിലെത്തുന്ന മോദി മണിപ്പൂരിൽ നഗ്‌നരാക്കപ്പെട്ട സ്ത്രീകളെപറ്റി മിണ്ടുമോ? പറയാനുള്ളത് രാമക്ഷേത്രത്തെ കുറിച്ച് മാത്രമായിരിക്കും: ബിനോയ് വിശ്വം

തിരുവനന്തപുരം: കേരളത്തിലെത്തുന്ന നരേന്ദ്ര മോദിക്ക്‌ പറയാനുള്ളത് രാമക്ഷേത്രത്തെ കുറിച്ചു മാത്രമായിരിക്കുമെന്ന് സി.പി.ഐ സംസ്ഥാന സെക്രട്ടറി ബിനോയ് വിശ്വം.
ബി.ജെ.പിയുടെ സ്ത്രീകളുടെ മഹായോഗത്തിൽ പ്രധാനമന്ത്രി നാളെ സംസാരിക്കും ഇതിൽ മണിപ്പൂരിൽ നഗ്‌നരാക്കപ്പെട്ട സ്ത്രീകളെപറ്റി മോദി മിണ്ടുമോ? വിലവർധനയും തൊഴിലില്ലായ്മയും ഉൾപ്പടെ ഒന്നിലും മോദി സംസാരിക്കില്ലെന്നും ബിനോയ് വിശ്വം കുറ്റപ്പെടുത്തി.
ബി.ജെ.പി സംഘടിപ്പിക്കുന്ന മഹിളാ സമ്മേളനത്തിൽ പങ്കെടുക്കാനാണ് പ്രധാനമന്ത്രി നരേന്ദ്ര മോദി നാളെ തൃശൂരിലെത്തുന്നത്. ഉച്ച കഴിഞ്ഞ് 2 മണിയോടെ സ്വരാജ് റൗണ്ടിൽ റോഡ് ഷോയും തുടർന്ന് തേക്കിൻകാട് മൈതാനിയിൽ മഹിളാ സമ്മേളനവുമാണ് പ്രധാനമന്ത്രിയുടെ പൊതു പരിപാടികൾ.