ന്യൂഡല്‍ഹി: ഉത്തര്‍പ്രദേശിലെ ബാഗ്പട്ടില്‍ ലൈംഗികാതിക്രമം പ്രതിരോധിച്ച ദളിത് പെണ്‍കുട്ടിയെ തിളച്ച എണ്ണച്ചട്ടിയിലേക്ക് തള്ളിയിട്ടു. ഗുരുതരമായി പൊള്ളലേറ്റ പെണ്‍കുട്ടിയെ വിദഗ്ധ ചികിത്സയ്ക്കായി ഡല്‍ഹിയിലേക്ക് മാറ്റി. പെണ്‍കുട്ടിയുടെ ശരീരത്തിന്റെ പകുതിയിലേറെയും പൊള്ളലേറ്റു. കൈക്കും കാലിനുമേറ്റ പൊള്ളല്‍ അതീവ ഗുരുതരമാണ്. സംഭവത്തില്‍ മൂന്ന് പേരെ പോലീസ് അറസ്റ്റ് ചെയ്തു.
ധനൗര സില്‍വര്‍നഗര്‍ ഗ്രാമത്തിലെ ഒരു ഓയില്‍ മില്ലില്‍ ജോലി ചെയ്യുന്ന 18കാരിയായ ദളിത് പെണ്‍കുട്ടിയാണ് ക്രൂരതയ്ക്കിരയായത്. ജോലി ചെയ്യുകയായിരുന്ന സഹോദരിയെ പീഡിപ്പിക്കാന്‍ മില്ലുടമ പ്രമോദും കൂട്ടാളികളായ രാജുവും സന്ദീപും ശ്രമിച്ചു. ലൈംഗികാതിക്രമം എതിര്‍ത്ത പെണ്‍കുട്ടിയെ പ്രതികള്‍ ജാതീയമായി അധിക്ഷേപിക്കാന്‍ തുടങ്ങി. ശേഷം തിളച്ച എണ്ണ നിറച്ച അണ്ടാവിലേക്ക് തള്ളിയിടുകയായിരുന്നെന്ന് പെണ്‍കുട്ടിയുടെ സഹോദരന്‍ പരാതിയില്‍ പറഞ്ഞു.
യു.പിയില്‍ ലൈംഗികാതിക്രമം തടഞ്ഞ പെണ്‍കുട്ടിയെ തിളച്ച എണ്ണച്ചട്ടിയിലേക്ക് തള്ളിയിട്ടു
Byadmin
Dec 31, 2023