റിയാദിൽ നിന്ന് കാണാതായ രണ്ട് മലയാളികളും പോലീസ് കസ്റ്റഡിയിൽ; ഒരാൾക്ക് മാനസികാസ്വാസ്ഥ്യം, മറ്റൊരാൾക്കെതിരെ കേസ്

ജിദ്ദ: റിയാദിൽ ​നി​ന്ന് കാ​ണാ​താ​യ ര​ണ്ടു മ​ല​യാ​ളി​ക​ളെ​യും കുറിച്ചുള്ള വിവരം ലഭിച്ചു. ഇരുവരും പോലീസ് കസ്റ്റഡിയിൽ ആണുള്ളതെന്നാണ് ലഭിച്ച വിവരം.
ദക്ഷിണ പ്രവിശ്യയിലെ ജി​സാ​നി​ൽ ​നി​ന്ന് നാ​ട്ടി​ലേ​ക്ക് പുറപ്പെട്ട പരപ്പനങ്ങാടി സ്വദേശി, തൃ​ശൂ​രി​ൽ നിന്ന് റി​യാ​ദി​ലേ​ക്ക് വരികയായിരുന്ന മറ്റൊരാൾ എന്നിവരെയാണ് റിയാദ് വിമാനത്താവളത്തിൽ എത്തിയത് മുതൽ കാണാതായത്.
ഇവരെ കണ്ടെത്താനായി സാമൂഹ്യ പ്രവർത്തകർ നടത്തിവന്ന വ്യാപകമായ അന്വേഷണത്തിനൊടുവിലാണ് ഇരുവരും പോലീസ് കസ്റ്റഡിയിൽ ഉള്ളതായുള്ള വിവരം ലഭിച്ചത്. 
ഒരാൾ വി​മാ​ന​ത്തി​ന​ക​ത്തു വെ​ച്ച് പ്ര​ശ്ന​ങ്ങ​ളു​ണ്ടാ​ക്കി​യിരുന്നു. മാനസികാസ്വാസ്ഥ്യമാണ് കാരണം. ഇദ്ദേഹത്തെ റി​യാ​ദ് പൊ​ലീ​സി​ന് കൈ​മാ​റു​ക​യാ​യി​രു​ന്നു. ഇയാളുടെ കാര്യത്തിൽ ബന്ധപ്പെട്ടവരിൽ നിന്നുള്ള റിപ്പോർട്ടിന് കാത്തിരിക്കുകയാണ് പോലീസ്.
പോലീസ് തടഞ്ഞു വെച്ച മറ്റൊരാളുടെ മേൽ കേസ് നിലവിലുണ്ട്. ഗ്രോസറി ഷോപ്പിൽ എക്സ്പയറി ആയ സാധനങ്ങൾ വിറ്റതാണ് കേസ്. അഞ്ചു ദിവസത്തെ റിമാൻഡിൽ ആണ് ഇദ്ദേഹം ഇപ്പോൾ.