തിരുവനന്തപുരം: സംസ്ഥാനത്ത് ക്രിസ്മസ് ആഘോഷത്തിനായി മൂന്നു ദിവസം കൊണ്ട് ബെവ്കോ ഔട്ട്ലെറ്റ് വഴി വിറ്റത് 154.77 കോടിയുടെ മദ്യം. ഞായറാഴ്ച 70.73 കോടിയുടെ മദ്യമാണ് വിറ്റഴിച്ചത്.
കഴിഞ്ഞവര്‍ഷം ക്രിസ്മസ് തലേന്ന് 69.55 കോടിയുടെ മദ്യമാണ് വിറ്റത്. ഡിസംബര്‍ 22, 23 തീയതികളില്‍ 84.04 കോടി രൂപയുടെ മദ്യവില്‍പ്പനയാണ് നടന്നത്. ഈ വര്‍ഷം ഈ തീയതികളില്‍ 75.41 കോടിയുടെ മദ്യമാണ് വിറ്റത്.
മദ്യവില്‍പ്പനയില്‍ വീണ്ടും ചാലക്കുടി തന്നെയാണ് ഒന്നാംസ്ഥാനത്ത്. 63 ലക്ഷത്തി 85,000 രൂപയുടെ മദ്യമാണ് അവിടെ വിറ്റത്. ചങ്ങനാശേരി ബെവ്കോ ഔട്ട്ലെറ്റാണ് മദ്യവില്‍പ്പനയില്‍ രണ്ടാം സ്ഥാനത്തെത്തിയത്. മൂന്നാം സ്ഥാനം ഇരിങ്ങാലക്കുട ഒട്ട്ലെറ്റിനാണ്.
മുന്‍വര്‍ഷങ്ങളില്‍ ഏറ്റവും കൂടുതല്‍ മദ്യം വിറ്റഴിച്ച തിരുവനന്തപുരം പവര്‍ഹൗസ് റോഡിലെ ബെവ്കോ ഔട്ട്ലെറ്റ് നാലാംസ്ഥാനത്തായി. വടക്കന്‍ പറവൂരിലെ ബെവ്കോ ഔട്ട്ലെറ്റാണ് മദ്യവില്‍പ്പനയില്‍ അഞ്ചാം സ്ഥാനത്ത്.
ക്രിസ്മസ് ആഘോഷവേളയില്‍ കേരളം കുടിച്ചു തീര്‍ത്തത് 154.77 കോടിയുടെ മദ്യം; ബെവ്കോ ഔട്ട്ലെറ്റ് വഴി റെക്കോര്‍ഡ് വില്‍പ്പന
Byadmin
Dec 25, 2023