ടാവിനോ തോമസ് കേന്ദ്ര കഥാപാത്രത്തെ അവതരിപ്പിക്കുന്ന ഐഡന്റിറ്റിയില്‍ ജോയിന്‍ ചെയ്ത് നടി തൃഷ. ലോക്കേഷനില്‍ താരം എത്തുന്നതിന്റെ ദൃശ്യങ്ങള്‍ തന്റെ സോഷ്യല്‍ മീഡിയയിലൂടെ ടൊവിനോ അറിയിച്ചു. തൃഷയും ചിത്രത്തില്‍ പ്രധാന വേഷത്തെ അവതരിപ്പിക്കുന്നുണ്ട്. ഷൂട്ടിങ്ങിന്റെ ബിഹൈന്‍ഡ് ദ സീനാണ് താരം പങ്കുവെച്ചിട്ടുള്ളത്.
ഐഡന്റിറ്റി സിനിമയുടെ ലോകത്തേയ്ക്ക് തൃഷയ വളരെ സന്തോഷത്തോടെ സ്വാഗതം ചെയ്യുന്നുവെന്ന് ടൊവിനോ തോമസ് വീഡിയോ പങ്കുവെച്ച് കുറിച്ചു. ഇപ്പോള്‍ ഒരുമിച്ചുള്ള ഒരു തകര്‍പ്പന്‍ ആക്ഷന്‍ സെറ്റ് പൂര്‍ത്തിയാക്കുന്നുവെന്നും കൂടുതല്‍ തീവ്രമായ ചിത്രീകരങ്ങള്‍ക്കായി ആകാംഷയോടെ കാത്തിരിക്കുന്നുവെന്നും ടൊവിനോ പോസ്റ്റില്‍ കുറിച്ചിട്ടുണ്ട്.
ഫൊറന്‍സിക് എന്ന ചിത്രത്തിന് ശേഷം അഖില്‍ പോള്‍- അനസ് ഖാന്‍, ടൊവിനോ കൂട്ടുകെട്ടില്‍ പുറത്തിറങ്ങുന്ന ചിത്രമാണ് ഐഡന്റിറ്റി. ചിത്രത്തില്‍ മഡോണയും പ്രധാന കഥാപാത്രത്തെ അവതരിപ്പിക്കുന്നുണ്ട്. രാഗം മൂവീസിന്റെ ബാനറില്‍ സെഞ്ച്വറി കൊച്ചുമോന്‍, രാജു മംഗല്യത്ത് എന്നിവരാണ് ചിത്രം നിര്‍മ്മിക്കുന്നത്. ഇതാദ്യമായാണ് തൃഷ ടൊവിനോയ്‌ക്കൊപ്പം ഒരു സിനിമയില്‍ അഭിനയിക്കുന്നത്.
എറണാകുളം, ബംഗളൂരു, മൗറീഷ്യസ്, കോയമ്പത്തൂര്‍ എന്നിവിടങ്ങളിലാണ് ഐഡന്റിറ്റിയുടെ ചിത്രീകരണം. 50 കോടിയുടെ മുതല്‍ മുടക്കില്‍ നാല് ഭാഷകളിലായി വമ്പന്‍ ക്യാന്‍വാസിലാണ് ചിത്രം ഒരുങ്ങുന്നത്. ആക്ഷന്‍ രംഗങ്ങള്‍ക്ക് ഏറെ പ്രാധാന്യം നല്‍കിക്കൊണ്ടാണ് ചിത്രം ഒരുക്കുന്നത്. പൊന്നിയന്‍ സെല്‍വന്‍, ലിയോ എന്നീ ചിത്രങ്ങള്‍ക്ക് ശേഷം തൃഷ നായികയായി എത്തുന്നു എന്ന പ്രത്യേകത കൂടി ചിത്രത്തിനുണ്ട്.
ടൊവിനോയ്‌ക്കൊപ്പം തൃഷ: ‘ഐഡിന്റിറ്റി’യിൽ ജോയിൻ ചെയ്തു
Byadmin
Dec 23, 2023