ഗാന്ധിനഗര്‍: കോട്ടയം മെഡിക്കല്‍ കോളജില്‍നിന്ന് പട്ടാപ്പകല്‍ അഞ്ചുമാസം പ്രായമായ കുഞ്ഞിനെ തട്ടിക്കൊണ്ടു പോകാന്‍ ശ്രമിച്ച ഒരാള്‍ അറസ്റ്റില്‍. ഏറ്റുമാനൂര്‍ എം.എച്ച്.സി. കോളനിയില്‍ വാടകയ്ക്ക് താമസിക്കുന്ന അതിരമ്പുഴ തെള്ളകം വാഴക്കാല എ.വി. അഷറഫി(42)നെയാണ് അറസ്റ്റ് ചെയ്തത്.
ഇന്നലെ രാവിലെ 11നാണ് സംഭവം. ഭര്‍ത്താവിന് പൊള്ളലേറ്റ് ചികിത്സയില്‍ കഴിഞ്ഞിരുന്ന മെഡിക്കല്‍ കോളജ് പൊള്ളല്‍ യൂണിറ്റിന്റെ വരാന്തയിലിരുന്ന് മയങ്ങിയ വീട്ടമ്മയുടെ കൈയില്‍നിന്ന് കുട്ടിയെ എടുത്ത് കടന്നുകളയാന്‍ ശ്രമിക്കുകയായിരുന്നു. കുഞ്ഞ് നിലവിളിച്ചതോടെ അമ്മ ബഹളം വയ്ക്കുകയും ആശുപത്രി അധികൃതര്‍ ഇയാളെ തടഞ്ഞുവയ്ക്കുകയുമായിരുന്നു. വിവരമറിയിച്ചതിനെത്തുടര്‍ന്ന് പോലീസെത്തി ഇയാളെ അറസ്റ്റ് ചെയ്തു. പ്രതിയെ കോടതിയില്‍ ഹാജരാക്കി.
കോട്ടയം മെഡിക്കല്‍ കോളജില്‍നിന്ന് പട്ടാപ്പകല്‍ അമ്മയുടെ കൈയില്‍നിന്ന് പിഞ്ചുകുഞ്ഞിനെ തട്ടിക്കൊണ്ടു പോകാന്‍ ശ്രമം; പ്രതി പിടിയില്‍
Byadmin
Dec 22, 2023