ഹൈദരാബാദ്: തെലങ്കാനയിലെ മക്ലൂര്‍സില്‍ സ്വത്ത് തട്ടിയെടുക്കാന്‍ ഒരു കുടുംബത്തിലെ ആറ് പേരെ കൊലപ്പെടുത്തി ഇരുപതുകാരന്‍. മക്ലൂര്‍ സ്വദേശിയായ മംഗളി പ്രസാദിന്റെ രണ്ട് കുട്ടികളും സഹോദരിമാരും ഉള്‍പ്പെടുന്ന കുടുംബമാണ് കൊല്ലപ്പെട്ടത്.
നാല് പേരുടെ മൃതദേഹങ്ങള്‍ കണ്ടെത്തി. ഇനി രണ്ടു പേരുടെ മൃതദേഹങ്ങള്‍ കണ്ടെത്താനുണ്ട്. നിസാമാബാദ്-കാമറെഡ്ഡി പാതയിലെ വനമേഖലയില്‍ വച്ചാണ് പ്രസാദിനെ കൊലപ്പെടുത്തിയത്. പ്രസാദിന്റെ ഭാര്യയെ കൊലപ്പെടുത്തി മൃതദേഹം ബസറയിലെ നദിയില്‍ ഉപേക്ഷിച്ചു. തുടര്‍ന്ന് പ്രസാദിന്റെ സഹോദരിമാരെയും മക്കളെയും പ്രതി കൊലപ്പെടുത്തി. സംഭവത്തില്‍ കൂടുതല്‍ അന്വേഷണം നടത്തിവരികയാണെന്ന് പോലീസ് പറഞ്ഞു.
സ്വത്ത് കൈക്കലാക്കാന്‍ ഒരു കുടുംബത്തിലെ രണ്ട് കുട്ടികള്‍ ഉള്‍പ്പെടെ ആറുപേരെ കൊലപ്പെടുത്തി; ഒരോരുത്തരെയും പ്രതി വകവരുത്തിയത് വിവിധയിടങ്ങളില്‍ എത്തിച്ച്
Byadmin
Dec 19, 2023