ഭാര്യയും നടിയുമായ നയന്‍താരയ്‌ക്കൊപ്പമുള്ള മനോഹര ചിത്രങ്ങള്‍ പങ്കുവെച്ച് സംവിധായകനായ വിഘ്‌നേഷ് ശിവന്‍. ചുവപ്പ് സാരിയും കറുപ്പ് ബ്ലൗസും ധരിച്ച് അതീവ സുന്ദരിയായാണ് നയന്‍താര ചിത്രങ്ങളില്‍ പ്രത്യക്ഷപ്പെട്ടത്. ഒരു ക്ഷേത്രം സന്ദര്‍ശിച്ചപ്പോഴെടുത്ത ചിത്രങ്ങളാണിത്.
‘പ്രണയത്തിന് ഒരു മുഖമുണ്ടെങ്കില്‍…’ എന്ന ക്യാപ്ഷനോടെയാണ് വിഘ്‌നേഷ് ചിത്രങ്ങള്‍ ഇന്‍സ്റ്റഗ്രാമില്‍ പങ്കുവെച്ചത്. ഇത് പുതിയ തുടക്കമാണെന്നും വിഘ്‌നേഷ് പോസ്റ്റില്‍ പറയുന്നുണ്ട്. നയന്‍താരയെ ചേര്‍ത്തുപിടിച്ച്, കണ്ണില്‍ നോക്കി നില്‍ക്കുന്ന വിഘ്‌നേഷിനെ ചിത്രങ്ങളില്‍ കാണാം. മഞ്ഞ കുര്‍ത്തയായിരുന്നു വിഘ്‌നേഷിന്റെ വേഷം.
ഇതേ ചിത്രങ്ങള്‍ നയന്‍താരയും ഇന്‍സ്റ്റഗ്രാമില്‍ പോസ്റ്റ് ചെയ്തിട്ടുണ്ട്. ‘സ്‌നേഹം, ദൈവം, നന്മ എന്നിവയുടെ ശക്തിയില്‍ വിശ്വസിക്കുക’ എന്ന ക്യാപ്ഷനോടെയാണ് നയന്‍താര ചിത്രങ്ങള്‍ പങ്കുവെച്ചത്.
വിഘ്‌നേഷും സംവിധായകനും നിര്‍മാതാവുമാകുന്ന പുതിയ ചിത്രത്തിന്റെ പ്രഖ്യാപനവും പൂജയും കഴിഞ്ഞ ദിവസം നടന്നിരുന്നു. ലവ് ഇന്‍ഷുറന്‍സ് കമ്പനി എന്ന് പേരിട്ടിരിക്കുന്ന ചിത്രത്തില്‍ എസ്‌ജെ സൂര്യ, പ്രദീപ് രംഗനാഥന്‍, കൃതി ഷെട്ടി എന്നിവരാണ് അഭിനയിക്കുന്നത്.
‘പ്രണയത്തിന് ഒരു മുഖമുണ്ടെങ്കില്‍…’ നയന്‍താരയ്‌ക്കൊപ്പമുള്ള മനോഹര ചിത്രങ്ങള്‍ പങ്കുവെച്ച് സംവിധായകനായ വിഘ്‌നേഷ് ശിവന്‍
Byadmin
Dec 16, 2023