തൃശ്ശൂരിൽ സിഎൻജി ഓട്ടോയ്ക്ക് തീപിടിച്ച് ഒരാൾ വെന്തുമരിച്ചു . പെരിങ്ങാവ് ഗാന്ധിനഗർ സ്ട്രീറ്റിലാണ് സംഭവം. മരിച്ചയാളെ ഇതുവരെ തിരിച്ചറിഞ്ഞിട്ടില്ല. എങ്ങനെയാണ് ഓട്ടോയ്ക്ക് തീപിടിച്ചതെന്ന കാര്യത്തിലും വ്യക്തതയില്ല. ശനിയാഴ്ച ഉച്ചയ്ക്ക് രണ്ടുമണിയോടെയാണ് നിർത്തിയിട്ടിരുന്ന ഓട്ടോയ്ക്ക് തീപിടിച്ചത്. നാട്ടുകാരുടെ ശ്രദ്ധയിൽപ്പെട്ട ഉടനെ അഗ്നിരക്ഷാസേനയെ വിവരമറിയിക്കുകയായിരുന്നു.
തുടർന്ന് അഗ്നിരക്ഷാസേനയെത്തി തീയണച്ചതോടെയാണ് ഓട്ടോയുടെ പിറകിലെ സീറ്റിൽ കത്തിക്കരിഞ്ഞനിലയിൽ ഒരാളെ കണ്ടെത്തിയത്. പുതിയ രജിസ്‌ട്രേഷനിലുള്ള സിഎൻജി ഓട്ടോയ്ക്കാണ് തീപിടിച്ചതെന്നാണ് പോലീസ് പറയുന്നത്. ഇത് പെരിങ്ങാവിലുള്ള ഓട്ടോയാണെന്നും പോലീസ് തിരിച്ചറിഞ്ഞിട്ടുണ്ട്. ഓട്ടോ ഡ്രൈവർ ആരാണെന്നതടക്കം കണ്ടെത്താനായി പോലീസിന്റെ അന്വേഷണം തുടരുകയാണ്.
തൃശ്ശൂരിൽ സിഎൻജി ഓട്ടോയ്ക്ക് തീപിടിച്ച് ഒരാൾ വെന്തുമരിച്ചു
Byadmin
Dec 16, 2023