ആഗോള വിപണിയിൽ അവതരിപ്പിക്കുന്ന ഷോട്ട്ഗൺ 650 ന്റെ പ്രൊഡക്ഷൻ പതിപ്പ് കമ്പനി വെളിപ്പെടുത്തി

അടുത്ത വർഷം ആദ്യം ആഗോള വിപണികളിലുടനീളം അവതരിപ്പിക്കാൻ ഉദ്ദേശിക്കുന്ന ഷോട്ട്ഗൺ 650 ന്റെ പ്രൊഡക്ഷൻ പതിപ്പ് കമ്പനി വെളിപ്പെടുത്തിയിരിക്കുന്നു. പുതിയ റോയൽ എൻഫീൽഡ് ഷോട്ട്ഗൺ 650 സ്റ്റെൻസിൽ വൈറ്റ്, പ്ലാസ്മ ബ്ലൂ, ഗ്രീൻ ഡ്രിൽ, ഷീറ്റ്മെറ്റൽ ഗ്രേ എന്നിങ്ങനെ നാല് നിറങ്ങളിൽ ലഭ്യമാകും. സൂപ്പർ മെറ്റിയോർ 650, ഇന്റർസെപ്റ്റർ 650, കോണ്ടിനെന്റൽ ജിടി 650 എന്നിവയ്ക്ക് അടിവരയിടുന്ന റോയൽ എൻഫീൽഡിന്‍റെ 650-ട്വിൻ പ്ലാറ്റ്‌ഫോമിലാണ് ഇത് നിർമ്മിച്ചിരിക്കുന്നത്.
അടിസ്ഥാനപരമായി ഇത് EICMA 2021-ൽ പ്രദർശിപ്പിച്ച SG650 കൺസെപ്റ്റിന്റെ പ്രൊഡക്ഷൻ പതിപ്പാണ്. ഗ്രീൻ ഡ്രിൽ, പ്ലാസ്മ ബ്ലൂ, ഷീറ്റ്മെറ്റൽ ഗ്രേ, സ്റ്റെൻസിൽ വൈൽറ്റ് എന്നീ നാല് വേരിയന്‍റുകളിലാണ് ഷോട്ട് ടൺ 650 എത്തുക.  മോട്ടോവേഴ്‌സ് എഡിഷനോട് സാമ്യമുള്ളതാണ് മോട്ടോർസൈക്കിൾ. എൽഇഡി ഹെഡ്‌ലൈറ്റും ട്രിപ്പർ നാവിഗേഷൻ പോഡും ഉൾക്കൊള്ളുന്ന സൂപ്പർ മെറ്റിയോറിന് സമാനമായ സവിശേഷതകൾ മോട്ടോർസൈക്കിളിനുണ്ട്.
ഉപഭോക്താക്കൾക്ക് സിംഗിൾ സീറ്റ് അല്ലെങ്കിൽ ഒരു പില്യൺ സീറ്റ് തിരഞ്ഞെടുക്കാം. ഫ്ലാറ്റർ ഹാൻഡിൽബാറും കൂടുതൽ മിഡ് സെറ്റ് ഫൂട്ട്പെഗുകളും ഉള്ള കൂടുതൽ നേരായ ഇരിപ്പിടങ്ങളോടെയാണ് മോട്ടോർസൈക്കിൾ വരുന്നത്. പുതിയ റോയൽ എൻഫീൽഡ് ഷോട്ട്ഗൺ 650 ന് കരുത്തുപകരുന്നത് 648 സിസി, പാരലൽ ട്വിൻ, 4-സ്ട്രോക്ക്, SOHC, എയർ-കൂൾഡ് എഞ്ചിനാണ്. അത് 7250rpm-ൽ 46.3hp ഉം 5,650rpm-ൽ 52.3Nm ന്റെ പീക്ക് ടോർക്കും ഉത്പാദിപ്പിക്കുന്നു.
ഇത് 6-സ്പീഡ് ഗിയർബോക്സുമായി ജോടിയാക്കിയിരിക്കുന്നു. ഈ മോട്ടോർസൈക്കിളിന് 22kmpl എന്ന സർട്ടിഫൈഡ് ഇന്ധനക്ഷമത വാഗ്ദാനം ചെയ്യുമെന്ന് കമ്പനി അവകാശപ്പെടുന്നു. 1465 എംഎം നീളമുള്ള വീൽബേസിൽ സഞ്ചരിക്കുന്ന മോട്ടോർസൈക്കിളിന് 140 എംഎം ഗ്രൗണ്ട് ക്ലിയറൻസും ഉണ്ട്. പുതിയ ഷോട്ട്ഗൺ 650 ന് 2170 എംഎം നീളവും 820 എംഎം വീതിയും 1105 എംഎം ഉയരവുമുണ്ട്, കൂടാതെ 795 എംഎം സീറ്റ് ഉയരവുമുണ്ട്.