കല്‍പ്പറ്റ: മാസം തികയാതെ ജനിച്ച നവജാത ശിശുക്കള്‍ മരിച്ചു. മാനന്തവാടിയിലെ വയനാട് മെഡിക്കല്‍ കോളേജില്‍ മാസം തികയാതെ പ്രസവിച്ച യുവതിയുടെ ഇരട്ടക്കുഞ്ഞുങ്ങളാണ് മരിച്ചത്.
തരുവണ പാലിയാണ അരയാല്‍തറ ആദിവാസി കോളനിയിലെ ബാബു- ശാന്ത ദമ്പതികളുടെ നവജാത ശിശുക്കളാണ് മരിച്ചത്. ശാന്ത ഏഴുമാസം ഗര്‍ഭിണിയായിരുന്നു. വയറുവേദനയെത്തുടര്‍ന്ന് ഇന്നലെ ഉച്ചയോടെയാണ് ശാന്തയെ മെഡിക്കല്‍ കോളേജില്‍ പ്രവേശിപ്പിച്ചത്. തുടര്‍ന്ന്, വൈകിട്ടോടെയാണ് ഇരട്ടക്കുട്ടികള്‍ ജനിച്ചത്.
