കൊല്ലം: ആശ്രാമം മൈതാനത്തിന് സമീപത്തുനിന്നും കണ്ടെത്തിയ അബിഗേലിനൊപ്പമുള്ള ചിത്രം പങ്കുവെച്ചു കൊല്ലം എംഎല്‍എ എം മുകേഷ്. ‘മോള്‍’ എന്ന തലക്കെട്ടോടെയാണ് കുട്ടിയെ എടുത്ത് നില്‍ക്കുന്ന ഫോട്ടോ മുകേഷ് സോഷ്യല്‍ മീഡിയയിലൂടെ പങ്കിട്ടത്.
‘എന്റെ മണ്ഡലത്തിലുള്ള മൈതാനമാണ് ആശ്രാമം മൈതാനം. അവിടെ വച്ചാണ് കുഞ്ഞിനെ അവര്‍ ഉപേക്ഷിച്ചത്. ഇനിയൊരിഞ്ച് മുന്നോട്ടുപോയി കഴിഞ്ഞാല്‍ എല്ലാവരും പിടിക്കപ്പെടും എന്ന തോന്നല്‍ ഉണ്ടായതുകൊണ്ടാണ് അവര്‍ കുഞ്ഞിനെ അവിടെ ഉപേക്ഷിച്ചത്. കുഞ്ഞിനു ചെറിയൊരു പോറല്‍പോലും ഇല്ല. എല്ലാവരുടെയും പ്രാര്‍ഥനയുടെ ഫലമാണ്. ഇതിനു പിന്നിലുള്ള എല്ലാവരെയും പിടിക്കും.
പൊലീസിന്റെ എഫര്‍ട്ടിനെ എത്ര പ്രശംസിച്ചാലും മതിയാകില്ല. വേറെ നിവൃത്തിയില്ലാതെ വന്നതുകൊണ്ടാണ് വലിയ ബഹളമില്ലാത്ത സ്ഥലത്ത് ഉപേക്ഷിക്കേണ്ടി വന്നത്. ഏറ്റവും ഉചിതമായ തീരുമാനം തന്നെ പൊലീസും സര്‍ക്കാരും കൈക്കൊള്ളും’- മുകേഷ് പറഞ്ഞു.
‘കുഞ്ഞിന് ഒരു പോറല്‍പോലും ഇല്ല. എല്ലാവരുടെയും പ്രാര്‍ഥനയുടെ ഫലമാണ്. ഇതിനു പിന്നിലുള്ള എല്ലാവരെയും പിടിക്കും’; അബിഗേലിനൊപ്പമുള്ള ചിത്രം പങ്കുവച്ച് മുകേഷ്
Byadmin
Nov 28, 2023