ഹോ​ട്ട​ലു​ക​ൾ​ക്ക് റി​വ്യു ന​ൽ​കി​യാ​ൽ പ​ണം വാഗ്ദാനം നൽകി വമ്പൻ തട്ടിപ്പ്; യു​വ​തിയിൽ നിന്ന് കാണിക്കലാക്കിയത് 15 ല​ക്ഷം; പോ​ലീ​സ് അ​ന്വേ​ഷ​ണം ആ​രം​ഭി​ച്ചു

ക​ണ്ണൂ​ർ: ഹോ​ട്ട​ലു​ക​ൾ​ക്ക് റി​വ്യു ന​ൽ​കി​യാ​ൽ പ​ണം ന​ൽ​കു​മെ​ന്ന് വി​ശ്വ​സി​പ്പി​ച്ച് യു​വ​തി​യി​ൽ നി​ന്ന് ല​ക്ഷ​ങ്ങ​ൾ ത​ട്ടി​യ​താ​യി പ​രാ​തി. തോ​ട്ട​ട കാ​ഞ്ഞി​ര സ്വ​ദേ​ശി​യാ​യ 27 വ​യ​സു​കാ​രി​യു​ടെ 15 ല​ക്ഷ​മാ​ണ് ന​ഷ്ട​പ്പെ​ട്ട​ത്.
പാ​ർ​ട്ട് ടൈം ​ജോ​ലി​യാ​യി ഗൂ​ഗി​ൾ മാ​പ്പ് റി​വ്യു വ​ഴി ആ​വ​ശ്യ​പ്പെ​ടു​ന്ന ഹോ​ട്ട​ലു​ക​ൾ​ക്ക് റി​വ്യു ചെ​യ്തു കൊ​ടു​ക്കു​ക​യും ടാ​സ്കി​ൽ പ​ങ്കെ​ടു​ക്കു​ക​യും ചെ​യ്താ​ൽ വ​ൻ​തു​ക ലാ​ഭ​വി​ഹി​തം ല​ഭി​ക്കു​മെ​ന്ന് പ​റ​ഞ്ഞാ​യി​രു​ന്നു ത​ട്ടി​പ്പ്.
ന​വം​ബ​ർ മാ​സം ആ​റു മു​ത​ൽ 16 വ​രെ പ​ല ത​വ​ണ​ക​ളാ​യി 15,26,381 രൂ​പ ന​ഷ്ട​പ്പെ​ട്ടെ​ന്നാ​ണ് പ​രാ​തി​യി​ൽ പ​റ​യു​ന്ന​ത്. ആ​ർ​ട്സ് ആ​ന്‍റ് എ​ന്‍റ​ർ​ടൈ​ൻ​മെ​ന്‍റ് എ​ന്ന അ​ക്കൗ​ണ്ട് വ​ഴി​യാ​ണ് ത​ട്ടി​പ്പ് ന​ട​ന്ന​ത്. ഇ​വ​രു​ടെ വാ​ട്സ് ആപ്പ് ഗ്രൂ​പ്പി​ൽ ചേ​ർ​ന്ന യു​വ​തി​ക്ക് ആ​ദ്യം കു​റ​ച്ച് പ​ണം ന​ൽ​കി.
കൂ​ടു​ത​ൽ പ​ണം ല​ഭി​ക്കാ​ൻ പ​ണം അ​യ​ച്ച് ന​ൽ​ക​ണ​മെ​ന്ന് ത​ട്ടി​പ്പു​കാ​ർ ആ​വ​ശ്യ​പ്പെ​ട്ടു. ഇ​ത് പ്ര​കാ​രം യു​വ​തി പ​ണം അ​യ​ച്ചു ന​ൽ​കു​ക​യാ​യി​രു​ന്നു. യു​വ​തി​യു​ടെ പ​രാ​തി​യി​ൽ എ​ട​ക്കാ​ട് പോ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.