‘മട്ടന്നൂരിൽ കെകെ ശൈലജ കൂടുതൽ സമയം സംസാരിച്ചു, ഇനിയുള്ള സമയം ചുരുക്കുന്നു’, വിമർശനവുമായി മുഖ്യമന്ത്രി

കണ്ണൂർ: നവകേരള സദസ്സിലെ മട്ടന്നൂരിലെ വേദിയിൽ സ്ഥലം MLA കെകെ ശൈലജ കൂടുതൽ സമയം സംസാരിച്ചെന്ന വിമർശനവുമായി മുഖ്യമന്ത്രി. 21 പേരാണ് നവകേരള സദസ്സിൽ ഉള്ളതെങ്കിലും 3 പേര് സംസാരിക്കുകയെന്ന ക്രമമാണുള്ളത്.
ആ ക്രമീകരണതിന് മട്ടന്നൂരിൽ കുറവ് വന്നു. ഇവിടത്തെ ജനങ്ങളെ നിരന്തരം കാണുന്ന അധ്യക്ഷക്ക് കൂടുതൽ സംസാരിക്കണമെന്ന് തോന്നിപ്പോയി. ആ സമയം കൂടുതലായിപ്പോയി. അതുകൊണ്ട് ഇനിയുള്ള സമയം ചുരുക്കുകയാണെന്നും മുഖ്യമന്ത്രി പറഞ്ഞു.