കൊച്ചി: എസ്എഫ്‌ഐ സംസ്ഥാന സെക്രട്ടറി പി എം ആര്‍ഷോയുടെ മാര്‍ക്ക് ലിസ്റ്റ് വിവാദത്തില്‍ മഹാരാജാസ് കോളജിലെ പരീക്ഷാ കണ്‍ട്രോളര്‍ക്ക് താക്കിത്. പരീക്ഷാ കണ്‍ട്രോളര്‍ക്ക് ഉണ്ടായത് ഗുരുതര വീഴ്ചയാണെന്ന് കോളജ് വിദ്യാഭ്യാസ ഡയറക്ടര്‍ വിലയിരുത്തി. കണ്‍ട്രോളര്‍ കുറച്ചുകൂടി ഉത്തരവാദിത്തം കാണിക്കേണ്ടതായിരുന്നുവെന്ന് ഡയറക്ടര്‍ വ്യക്തമാക്കി.
എസ്എഫ്‌ഐ സംസ്ഥാന സെക്രട്ടറി പി.എം.ആര്‍ഷോയുടെ മാര്‍ക്ക് തെറ്റായി പ്രസിദ്ധീകരിച്ചതിനാണ് താക്കീത്. സോഫ്റ്റ്വെയറിലെ പിഴവ് ബോധ്യപ്പെട്ടിട്ടും തിരുത്താന്‍ നടപടി ഉണ്ടായില്ല.
പിഴവ് കണ്ടെത്തിയിട്ടും തിരുത്താത്തതിനാല്‍ കോളജിലെ പരീക്ഷാ സംവിധാനം ആകെ സംശയ നിഴലിലായി. പിഴവ് ആവര്‍ത്തിക്കരുതെന്ന് പരീക്ഷാ കണ്‍ട്രോളര്‍ക്ക് കര്‍ശന നിര്‍ദേശം നല്‍കി.
പി എം ആര്‍ഷോയുടെ മാര്‍ക്ക് തെറ്റായി കാണിച്ചു; മഹാരാജാസ് പരീക്ഷാ കൺട്രോളർക്ക് താക്കിത്
Byadmin
Nov 10, 2023