ബംഗളൂരു: അപ്പാർട്ട്മെന്റിനുള്ളിൽ മലയാളി യുവാവിനെയും ബംഗാളി യുവതിയെയും മരിച്ച നിലയിൽ കണ്ടെത്തി. തീകൊളുത്തി മരിച്ച നിലയിലാണ് ഇരുവരെയും കൊത്തന്നൂർ ദൊഡ്ഡഗുബ്ബിയിലെ അപ്പാർട്ട്മെന്റിൽ കണ്ടെത്തിയത്. ഇടുക്കി സ്വദേശി അബിൽ ഏബ്രഹാം (29), കൊൽക്കത്ത സ്വദേശിനി സൗമിനി ദാസ് (20) എന്നിവരാണ് കൊല്ലപ്പെട്ടത്. ഞായറാഴ്ച വൈകിട്ടാണ് സംഭവം. സൗമിനി സംഭവസ്ഥലത്തും അബിൽ ആശുപത്രിയിലുമാണ് മരിച്ചത്.
മൂന്നു ദിവസം മുൻപാണ് ഇരുവരും ഇവിടെ ഒരുമിച്ച് താമസം ആരംഭിച്ചത്. സ്വകാര്യ നഴ്സിങ് കോളജിലെ രണ്ടാം വർഷ വിദ്യാർഥിനിയാണ് മരിച്ച സൗമിനി. നഴ്സിങ് റിക്രൂട്ട്മെന്റ് ഏജൻസി ഉടമയാണ് അബിൽ. സൗമിനി വിവാഹിതയാണ്. മൃതദേഹം പോസ്റ്റ്മോർട്ടത്തിനായി വിക്ടോറിയ ആശുപത്രി മോർച്ചറിയിലേക്ക് മാറ്റി. സംഭവത്തിൽ കൊത്തന്നൂർ പോലീസ് കേസെടുത്തു.
ബംഗളൂരുവിലെ അപ്പാർട്ട്മെന്റിനുള്ളിൽ മലയാളി യുവാവും ബംഗാളി യുവതിയും തീകൊളുത്തി മരിച്ച നിലയിൽ; അ‌ന്വേഷണം ആരംഭിച്ച് പോലീസ്
Byadmin
Nov 7, 2023