ആഭ്യന്തര വില്‍പ്പനയില്‍ വന്‍ മുന്നേറ്റം കാഴ്ചവെച്ച് ബജാജ് ഓട്ടോ

വില്‍പ്പന കണക്കുകള്‍ പുറത്ത് വരുമ്പോള്‍ 2023 ഒക്‌ടോബറില്‍ ആഭ്യന്തര വില്‍പ്പനയില്‍ വന്‍ മുന്നേറ്റം കാഴ്ചവെച്ചിരിക്കുകയാണ് ബജാജ് ഓട്ടോ. പോയ മാസം ആഭ്യന്തര വിപണിയില്‍ 2,78,486 യൂണിറ്റ് ഇരുചക്രവാഹനങ്ങള്‍ വിറ്റഴിച്ചതായി ബജാജ് ബുധനാഴ്ച പ്രഖ്യാപിച്ചു. കഴിഞ്ഞ വര്‍ഷം ഇതേ വിറ്റ 206,131 യൂണിറ്റുമായി താരതമ്യം ചെയ്യുമ്പോള്‍ ഇത് 35% വര്‍ദ്ധനയാണ്.
ബജാജ് ഓട്ടോ ലിമിറ്റഡ് 2023 ഒക്ടോബറില്‍ മൊത്തം 4,71,188 യൂണിറ്റ് വാഹനങ്ങളാണ് വിറ്റത്. 2022 ഒക്ടോബറില്‍ 3,95,238 യൂണിറ്റുകളായിരുന്നു വില്‍പ്പന. മാത്രമല്ല ഈ സാമ്പത്തിക വര്‍ഷത്തെ ഇതുവരെയുള്ള വില്‍പ്പനയും മൂന്ന് ശതമാനം മെച്ചപ്പെട്ടു. 2023 ഏപ്രില്‍ മുതല്‍ ഒക്ടോബര്‍ വരെയുള്ള കാലയളവിലെ കണക്കുകളാണിത്.
ഇരുചക്രവാഹന വില്‍പ്പന മാത്രം കണക്കിലെടുത്താല്‍ പോയ മാസം ആകെ 2,78,486 യൂണിറ്റ് വാഹനങ്ങള്‍ ബജാജിന് വില്‍ക്കാനായത്. കഴിഞ്ഞ വര്‍ഷം ഇതേ മാസം 2,06,131 യൂണിറ്റായിരുന്നു വില്‍പ്പന. 35 ശതമാനമാണ് വില്‍പ്പന കൂടിയത്. ഇരുചക്ര വാഹന വില്‍പ്പനയില്‍ കമ്പനിയുടെ നട്ടെല്ലായത് പള്‍സര്‍ ശ്രേണിയാണ്.
ഇരുചക്രവാഹനങ്ങള്‍ 2022 ഏപ്രില്‍ മുതല്‍ ഒക്ടോബര്‍ വരെയുള്ള കാലയളവില്‍ കയറ്റുമതി ചെയ്ത 10,66,412 യൂണിറ്റില്‍ നിന്ന് 20 ശതമാനം ഇടിഞ്ഞ് 8,52,320 യൂണിറ്റായി. കഴിഞ്ഞ വര്‍ഷം YTD അടിസ്ഥാനത്തില്‍ വിറ്റ 22,08,095 യൂണിറ്റില്‍ നിന്ന് മൊത്തം ഇരുചക്ര വാഹന വില്‍പ്പന ഒരു ശതമാനം കുറഞ്ഞ് 21,79,057 യൂണിറ്റായി. ബജാജ് ഓട്ടോ ആഭ്യന്തര വിപണിയിലും വളര്‍ച്ച കൈവരിച്ചു.