രാ​ജീ​വ് ച​ന്ദ്ര​ശേ​ഖ​ർ ന​ട​ത്തി​യ​ത് വി​ടു​വാ​യ​ത്തം; പ​ല​സ്തീ​ൻ അ​നു​കൂ​ലി​ക​ളെ കേ​സി​ൽ പെ​ടു​ത്താ​നാ​ണ് രാ​ജീ​വ് ച​ന്ദ്ര​ശേ​ഖ​റും കൂ​ട്ട​രും ശ്ര​മി​ക്കു​ന്ന​ത്; രാജീവ് ചന്ദ്രശേഖർ വെറും വിഷമല്ല , കൊടും വിഷമാണെന്ന് മുഖ്യമന്ത്രി

കൊ​ച്ചി: ക​ള​മ​ശേ​രി സ്ഫോ​ട​ന​വു​മാ​യി ബ​ന്ധ​പ്പെ​ട്ട് കേ​ന്ദ്ര​മ​ന്ത്രി രാ​ജീ​വ് ച​ന്ദ്ര​ശേ​ഖ​റി​നെ രൂ​ക്ഷ​മാ​യി വി​മ​ർ​ശി​ച്ച് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. രാ​ജീ​വ് ച​ന്ദ്ര​ശേ​ഖ​ർ ന​ട​ത്തി​യ​ത് വി​ടു​വാ​യ​ത്ത​മെ​ന്ന് മു​ഖ്യ​മ​ന്ത്രി കു​റ്റ​പ്പെ​ടു​ത്തി.
കേ​ന്ദ്ര​മ​ന്ത്രി​യെ ഇ​ന്ന​ലെ വി​ഷം എ​ന്നാ​ണ് പ​റ​ഞ്ഞ​തെ​ങ്കി​ൽ ഇ​ന്ന് കൊ​ടും​വി​ഷം വ​മി​പ്പി​ക്കു​ന്ന വ​ർ​ഗീ​യ​വാ​ദി എ​ന്ന് പ​റ​യു​ക​യാ​ണ്. പ​ല​സ്തീ​ൻ അ​നു​കൂ​ലി​ക​ളെ കേ​സി​ൽ പെ​ടു​ത്താ​നാ​ണ് രാ​ജീ​വ് ച​ന്ദ്ര​ശേ​ഖ​റും കൂ​ട്ട​രും ശ്ര​മി​ക്കു​ന്ന​ത്.
രാ​ജീ​വ് ച​ന്ദ്ര​ശേ​ഖ​ർ അ​ദ്ദേ​ഹ​ത്തി​ന്‍റേ​താ​യ രീ​തി സ്വീ​ക​രി​ക്കു​ക​യാ​ണ്. രാ​ജ്യ​ത്തെ ഒ​രു മ​ന്ത്രി​യാ​ണ് അ​ദ്ദേ​ഹം. ആ ​മ​ന്ത്രി​ക്ക് അ​ന്വേ​ഷ​ണ ഏ​ജ​ൻ​സി​ക​ളി​ൽ വി​ശ്വാ​സം വേ​ണം. പോ​ലീ​സ് കാ​ര്യ​ങ്ങ​ൾ അ​ന്വേ​ഷി​ക്കു​ന്നു​ണ്ട്.
ഒ​രു പ്ര​ത്യേ​ക വി​ഭാ​ഗ​ത്തെ ല​ക്ഷ്യം​വ​ച്ചു​ള്ള പ്ര​ചാ​ര​ണ​മാ​ണു രാ​ജീ​വ് ച​ന്ദ്ര​ശേ​ഖ​റും അ​ദ്ദേ​ഹ​ത്തി​ന്‍റെ കൂ​ട്ടാ​ളി​ക​ളും ന​ട​ത്തു​ന്ന​ത്. അ​വ​ർ അ​ത്ത​രം പ്ര​ത്യേ​ക മാ​ന​സി​കാ​വ​സ്ഥ​യി​ലാ​ണെ​ന്നും പി​ണ​റാ​യി വി​ജ​യ​ൻ കു​റ്റ​പ്പെ​ടു​ത്തി.
സ്ഫോ​ട​ന​വു​മാ​യി ബ​ന്ധ​പ്പെ​ട്ട അ​ന്വേ​ഷ​ണം ന​ല്ല രീ​തി​യി​ലാ​ണു മു​ന്നോ​ട്ടു പോ​കു​ന്ന​ത്. ക​സ്റ്റ​ഡി​യി​ലു​ള്ള ഡൊ​മി​നി​ക് മാ​ർ​ട്ടി​ൻ പ​റ​ഞ്ഞ​തി​ന​പ്പു​റം മ​റ്റെ​ന്തെ​ങ്കി​ലും കാ​ര്യ​ങ്ങ​ളു​ണ്ടോ​യെ​ന്നു പോ​ലീ​സ് അ​ന്വേ​ഷി​ക്കും.
പ​രു​ക്കേ​റ്റ​വ​ർ​ക്ക് ആ​ശു​പ​ത്രി​യി​ൽ ന​ല്ല രീ​തി​യി​ലു​ള്ള ചി​കി​ത്സ​യാ​ണു ന​ൽ​കു​ന്ന​ത്. സ്വ​കാ​ര്യ ആ​ശു​പ​ത്രി​ക​ളി​ൽ ചി​കി​ത്സ​യി​ലു​ള്ള​വ​രു​ടെ ചെ​ല​വു​ക​ൾ സ​ർ​ക്കാ​ർ വ​ഹി​ക്കു​മെ​ന്നും മു​ഖ്യ​മ​ന്ത്രി പ​റ​ഞ്ഞു.
സ്ഫോ​ട​നം ന​ട​ന്ന ക​ള​മ​ശേ​രി​യി​ലെ ക​ൺ​വ​ൻ​ഷ​ൻ സെ​ന്‍റ​റും പ​രു​ക്കേ​റ്റ് ആ​ശു​പ​ത്രി​ക​ളി​ൽ ചി​കി​ത്സ​യി​ൽ ക​ഴി​യു​ന്ന​വ​രെ​യും സ​ന്ദ​ർ​ശി​ച്ച​ശേ​ഷം നെ​ടു​മ്പാ​ശേ​രി വി​മാ​ന​ത്താ​വ​ള​ത്തി​ൽ മാ​ധ്യ​മ​ങ്ങ​ളു​മാ​യി സം​സാ​രി​ക്കു​ക​യാ​യി​രു​ന്നു മു​ഖ്യ​മ​ന്ത്രി