കുവൈറ്റിൽ നിന്നും നാട് കടത്തിയ ശേഷം വീണ്ടും രാജ്യത്ത് പ്രവേശിച്ചയാൾക്കെതിരെ അന്വേഷണം ഊർജിതമാക്കി ആഭ്യന്തര മന്ത്രാലയം

കുവൈറ്റ്‌ സിറ്റി: ഒരിക്കല്‍ നാടുകടത്തപ്പെട്ട വ്യക്തി രാജ്യത്തേക്ക് പ്രവേശിച്ച സംഭവത്തില്‍ ഊർജിതമായ അന്വേഷണം ആരംഭിച്ചു ആഭ്യന്തര മന്ത്രാലയം.
ജയിൽവാസത്തിന് ശേഷം നാടുകടത്തപ്പെട്ട ഗൾഫ് രാജ്യത്ത് നിന്നുള്ള വ്യക്തിയാണ് ബയോമെട്രിക് വിരലടയാളം സിസ്റ്റത്തിൽ രജിസ്റ്റർ ചെയ്തിട്ടും വീണ്ടും കുവൈത്തില്‍ കടന്നത്. ഇതിന്‍റെ കാരണങ്ങളാണ് അന്വേഷിക്കുന്നത്.
നഹ്‌ദ പ്രദേശത്തെ സുരക്ഷാ പരിശോധനയ്ക്കിടെ പ്രതിയെ പിടികൂടുകയായിരുന്നു. ഇയാള്‍ എങ്ങനെയാണ് രാജ്യത്തേക്ക് കടന്നതെന്ന് കണ്ടെത്താൻ പ്രതിയെ കസ്റ്റഡിയില്‍ ചോദ്യം ചെയ്ത് വരികയാണ് എന്നും ലാൻഡ്‌പോർട്ടിലെ ഒരു ജീവനക്കാരൻ ഉൾപ്പെട്ടിരിക്കാൻ സാധ്യതയുള്ള ഗൂഢാലോചനയെക്കുറിച്ചാണ് അധികൃതര്‍ സംശയിക്കുന്നത് എന്നും പ്രാദേശിക പത്രം റിപ്പോർട്ട്‌ ചെയ്യുന്നു