ദിലീപ് ചിത്രം ബാന്ദ്രയുടെ റിലീസ് തീയതി പ്രഖ്യാപിച്ചു

 ദിലീപും തമന്നയും കേന്ദ്ര കഥാപാത്രത്തിലെത്തുന്ന ചിത്രം ബാന്ദ്രയുടെ റിലീസ് തീയതി പ്രഖ്യാപിച്ചു. നവംബർ മാസം 10ന് ചിത്രം റിലീസിനെത്തും.  ദിലീപിന്റെ പിറന്നാൾ ദിനത്തിലായിരുന്നു ചിത്രത്തിലായിരുന്നു പ്രഖ്യാപനം. അഹമ്മദാബാദ്, സിദ്ധാപൂർ, രാജ്‌കോട്, ഘോണ്ടൽ, ജയ്പൂർ, മുംബൈ, ഹൈദരാഹാദ് തുടങ്ങിയ ഇടങ്ങളിലാണ് ചിത്രീകരണം. 
ദിലീപിന്റെ കരിയറിലെ 147-ാം ചിത്രമായ ബാന്ദ്ര വൻ മുതൽ മുടക്കിലാണ് ഒരുങ്ങുന്നത്. അജിത് വിനായക ഫിലിംസിന്റെ ബാനറിൽ വിനായക അജിത് നിർമിക്കുന്ന ചിത്രത്തിന് ഉദയകൃഷ്ണയാണ് തിരക്കഥ ഒരുക്കുന്നത്. തമന്ന അഭിനയിക്കുന്ന ആദ്യ മലയാള സിനിമയാണിത്. ശരത് കുമാർ, രാധിക ശരത് കുമാർ, ഈശ്വരി റാവു, മംമ്ത മോഹൻദാസ്, സിദ്ദീഖ്, കലാഭവൻ ഷാജോൺ, ഗണേഷ് കുമാർ തുടങ്ങി വമ്പൻ താരനിരയാണ് ചിത്രത്തിൽ ഒരുങ്ങുന്നത്. 
ഷാജി കുമാറാണ് ഛായാഗ്രഹണം. സംഗീതം സാം സി.എസ്., എഡിറ്റിങ് വിവേക് ഹർഷൻ, പ്രൊഡക്ഷൻ കൺട്രോളർ ദീപക് പരമേശ്വരൻ, കലാസംവിധാനം സുബാഷ് കരുൺ, സൗണ്ട് ഡിസൈൻ രംഗനാഥ് രവി, വസ്ത്രാലങ്കാരം പ്രവീൺ വർമ. ആക്ഷൻ രംഗങ്ങൾക്ക് ഏറെ പ്രാധാന്യമുള്ള ചിത്രത്തിൽ മൂന്ന് പേർ ചേർന്നാണ് സംഘട്ടനങ്ങൾ ഒരുക്കുന്നത്. 
അൻപറിവ്, ഫിനിക്‌സ് പ്രഭു, മാഫിയ ശശി എന്നിവരാണ് ആക്ഷൻ കോറിയോഗ്രാഫർമാർ. അഹമ്മദാബാദ്, സിദ്ധാപൂർ, രാജ്‌കോട്ട്, ഘോണ്ടൽ, ജയ്പൂർ, മുംബൈ, ഹൈദരാബാദ് തുടങ്ങിയ സ്ഥലങ്ങളാണ് പ്രധാന ലൊക്കേഷൻ. റാഫി സംവിധാനം ചെയ്യുന്ന ‘വോയ്‌സ് ഓഫ് സത്യനാഥൻ’ ആണ് ദിലീപിൻറേതായി ഒടുവിൽ പുറത്തിറങ്ങിയ സിനിമ.