കൊച്ചി: മുന്‍നിര ലൈഫ് ഇന്‍ഷുറന്‍സ് സ്ഥാപനമായ എസ്ബിഐ ലൈഫ് 2023 സെപ്റ്റംബര്‍ 30-ന് അവസാനിച്ച കാലയളവില്‍ 16,262 കോടി രൂപയുടെ പുതിയ ബിസിനസ് പ്രീമിയം കൈവരിച്ചു. ഒറ്റത്തവണ പ്രീമിയത്തിന്റെ കാര്യത്തില്‍ മുന്‍ വര്‍ഷം ഇതേ കാലയളവിനേക്കാള്‍ 28 ശതമാനം വര്‍ധനവു കൈവരിച്ചിട്ടുണ്ട്.
പരിരക്ഷാ രംഗത്തെ പുതിയ ബിസിനസ് പ്രീമിയം 25 ശതമാനം വര്‍ധനവോടെ 1,996 കോടി രൂപയാണ്. വ്യക്തിഗത പുതിയ ബിസിനസ് പ്രീമിയം 20 ശതമാനം വര്‍ധനവോടെ 10,165 കോടി രൂപയിലും എത്തിയിട്ടുണ്ട്.
2023 സെപ്റ്റംബര്‍ 30-ന് അവസാനിച്ച കാലത്ത് 761 കോടി രൂപയുടെ അറ്റാദായമാണ് എസ്ബിഐ ലൈഫ് കൈവരിച്ചിട്ടുള്ളത്. കമ്പനിയുടെ സോള്‍വെന്‍സി നിരക്ക് വ്യവസ്ഥകള്‍ പ്രകാരം നിര്‍ബന്ധമായ 1.50-ത്തേക്കാള്‍ ഉയര്‍ന്ന നിലയില്‍ 2.12 ആയിട്ടുണ്ടെന്നും സെപ്റ്റംബര്‍ 30-ലെ കണക്കുകള്‍ സൂചിപ്പിക്കുന്നു.
എസ്ബിഐ ലൈഫിന് 16,262 കോടി രൂപയുടെ പുതിയ ബിസിനസ് പ്രീമിയം
Byadmin
Oct 27, 2023