ഡൽഹി: യുഎപിഎ നിയമപ്രകാരമുള്ള അറസ്‌റ്റും കസ്റ്റഡിയും ചോദ്യ ചെയ്ത ന്യൂസ്ക്ലിക്ക് എഡിറ്ററുടെയും എച്ച്‌ആർ വിഭാഗം മേധാവിയുടെയും ഹർജിയിൽ സുപ്രീം കോടതി ഡല്‍ഹി പൊലീസിന് നോട്ടീസ് അയച്ചു. രണ്ടാഴ്ചയ്ക്കകം മറുപടി നല്‍കാന്‍ നിര്‍ദേശം നൽകിയ കോടതി ഹർജി 30ന് വീണ്ടും പരിഗണിക്കും.
യുഎപിഎ നിയമപ്രകാരമുള്ള അറസ്‌റ്റ്‌, കസ്റ്റഡി എന്നിവ ചോദ്യം ചെയ്‌ത്‌ എഡിറ്റർ പ്രബീർ പുർകായസ്‌ത, എച്ച്‌ആർ മേധാവി അമിത്‌ ചക്രവർത്തി എന്നിവരാണ്‌ സുപ്രീംകോടതിയെ സമീപിച്ചത്‌. നേരത്തെ, ഡൽഹി ഹൈക്കോടതി ഇവരുടെ ഹർജികൾ തള്ളിയിരുന്നു.
ഡൽഹി പൊലീസ്‌ സ്‌പെഷ്യൽ സെല്ലിന്റെ നേതൃത്വത്തിൽ ന്യൂസ്ക്ലിക്ക് ഓഫീസുകളിലും ജീവനക്കാരുടെ വസതികളിലും മറ്റും നടത്തിയ റെയ്‌ഡുകൾക്ക്‌ ഒടുവിൽ ഒക്ടോബർ മൂന്നിനാണ്‌ പ്രബീർപുർകായസ്‌തയെയും അമിത്‌ ചക്രവർത്തിയെയും അറസ്‌റ്റ്‌ ചെയ്‌തത്‌.
ന്യൂസ്ക്ലിക്ക് എഡിറ്ററുടെ ഹർജിയിൽ ഡല്‍ഹി പൊലീസിന് സുപ്രീം കോടതി നോട്ടീസ്; കേസ് 30ന് വീണ്ടും പരിഗണിക്കും
Byadmin
Oct 19, 2023