ശരീരത്തിലെ അമിത കൊഴുപ്പ് കുറയ്ക്കുന്നതിന് സഹായിക്കുന്ന പാനീയങ്ങൾ ഏതൊക്കെയാണെന്ന് നോക്കാം

കലോറി കുറഞ്ഞ ഭക്ഷണം കഴിക്കുന്നത് ശരീരഭാരം കുറയ്ക്കാൻ സഹായിക്കും. രാത്രിയിൽ ഉറങ്ങുന്നതിന് മുമ്പ് ചില പാനീയങ്ങൾ കഴിക്കുന്നത് ശരീരത്തിലെ അമിത കൊഴുപ്പ് കുറയ്ക്കുന്നതിന് സഹായിക്കുന്നതിനൊപ്പം നല്ല ഉറക്കം കിട്ടുന്നതിനും സഹായിക്കുന്നു. ഏതൊക്കെയാണ് ആ പാനീയങ്ങളെന്ന് നോക്കാം.
ശരീരഭാരം കുറയ്ക്കുന്നതിനും മൊത്തത്തിലുള്ള ആരോഗ്യത്തിനും സഹായിക്കുന്ന ഒന്നാണ് ഗ്രീൻ ടീ. ഇത് ഭാരം നിയന്ത്രിക്കാൻ സഹായിക്കുന്ന വിവിധ സംവിധാനങ്ങളുമായി ബന്ധപ്പെട്ടിരിക്കുന്നു. ഗ്രീൻ ടീയിലെ കഫീൻ ഉള്ളടക്കം ഉപാപചയ നിരക്ക് വർദ്ധിപ്പിക്കാനും കൊഴുപ്പിന്റെ ഓക്‌സിഡേഷൻ പ്രോത്സാഹിപ്പിക്കാനും കഴിയും. ഇത് കലോറി കുറയ്ക്കുന്നതിന് സഹായിക്കുന്നു.
ഉലുവയിൽ ലയിക്കുന്ന നാരുകൾ അടങ്ങിയിട്ടുണ്ട്. ഇത് ഉലുവ വെള്ളം കുടിക്കുന്നത് വിശപ്പ് കുറയ്ക്കുകയും തുടർന്ന് കലോറി ഉപഭോഗം കുറയുന്നതിന് കാരണമാകുന്നു. രക്തത്തിലെ പഞ്ചസാരയുടെ അളവ് നിയന്ത്രിക്കാനും ഇൻസുലിൻ സംവേദനക്ഷമത മെച്ചപ്പെടുത്താനും ഉലുവ സഹായിച്ചേക്കാം. ഇത് ഭക്ഷണത്തോടുള്ള ആസക്തിയെ മികച്ച രീതിയിൽ നിയന്ത്രിക്കാൻ സഹായിക്കും.
കറുവപ്പട്ട വെള്ളം പലപ്പോഴും ശരീരഭാരം കുറയ്ക്കാൻ സഹായിക്കുന്ന പാനീയമാണ്. കറുവപ്പട്ട ഇൻസുലിൻ സംവേദനക്ഷമത മെച്ചപ്പെടുത്തുന്നതിലൂടെ രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും. ഇത് പഞ്ചസാരയും ഉയർന്ന കാർബോഹൈഡ്രേറ്റും ഉള്ള ഭക്ഷണങ്ങളോടുള്ള ആസക്തി കുറയ്ക്കുകയും തുടർന്ന് ശരീരഭാരം നിയന്ത്രിക്കാൻ സഹായിക്കുകയും ചെയ്യും.