തിരുവനന്തപുരം: സാമ്പത്തിക പ്രതിസന്ധിക്കിടയിലും കേരളീയം പരിപാടിക്കായി സംസ്ഥാന സര്‍ക്കാര്‍ ചെലവാക്കുന്നത് 27.12 കോടി രൂപ. തുക അനുവദിച്ച് ധനവകുപ്പ് ഉത്തരവിറക്കി.
ഇതിന് പുറമെ സ്‌പോണ്‍സര്‍ഷിപ്പിനുള്ള ശ്രമങ്ങളും നടക്കുന്നുണ്ട്. സംസ്ഥാനത്തിന്റെ ഇതുവരെയുള്ള നേട്ടങ്ങള്‍ ലോകത്തിന് മുന്നില്‍ അവതരിപ്പിക്കുക എന്ന ലക്ഷ്യത്തോടെയാണ് കേരളീയം-2023 പരിപാടി സംഘടിപ്പിക്കുന്നത്.
തലസ്ഥാന ജില്ലയില്‍ കേരള പിറവിദിനമായ നവംബര്‍ ഒന്ന് മുതല്‍ 7 വരെയാണ് പരിപാടി. രണ്ടാം പിണറായി സര്‍ക്കാരിന്റെ നേട്ടങ്ങള്‍ ജനങ്ങളിലേക്ക് എത്തിക്കുക എന്ന ലക്ഷ്യത്തോടെ നടത്തുന്ന പരിപാടി, നികുത്തിപണം ധൂര്‍ത്തടിക്കാനുള്ള മാര്‍ഗമാണെന്നാണ് പ്രതിപക്ഷ ആരോപണം.
‘കേരളീയത്തിനായി കോടികൾ’; സർക്കാർ ചെലവാക്കുന്നത് 27.12 കോടി, ധനവകുപ്പ് തുക അനുവദിച്ചു
Byadmin
Oct 17, 2023