കോഴിക്കോട്: നിപ്പ ബാധിച്ച് കോഴിക്കോട് ചികിത്സയിലായിരുന്ന 9 വയസ്സുകാരനു രോഗമുക്തി. ഈ കുട്ടിയുള്‍പ്പെടെയുള്ള നാല് പേരും രോഗമുക്തി നേടി ഡബിള്‍ നെഗറ്റീവ് (ഇടവേളയില്‍ നടത്തിയ 2 പരിശോധനകളും നെഗറ്റീവ്) ആയെന്നു ആരോഗ്യമന്ത്രി വീണാ ജോര്‍ജ് അറിയിച്ചു.
നിപ്പ ഭീതിയൊഴിയുന്ന സാഹചര്യത്തില്‍, ജില്ലയില്‍ കണ്ടെയ്ന്‍മെന്റ് സോണുകളായി പ്രഖ്യാപിച്ച വാര്‍ഡുകളിലെ നിയന്ത്രണങ്ങള്‍ കലക്ടര്‍ പിന്‍വലിച്ചിരുന്നു. ഒക്ടോബര്‍ 1 വരെയുള്ള പൊതുപരിപാടികള്‍ അടുത്തുള്ള പൊലീസ് സ്റ്റേഷനില്‍ അറിയിക്കണം.
സാമൂഹിക അകലം പാലിക്കുകയും മാസ്‌ക് ധരിക്കുകയും വേണമെന്നും കലക്ടര്‍ എ.ഗീത പറഞ്ഞു. സമ്പര്‍ക്കപ്പട്ടികയില്‍ ഉള്‍പ്പെട്ടതിനെ തുടര്‍ന്ന് ഐസലേഷനിലുള്ളവര്‍ 21 ദിവസം നിര്‍ബന്ധമായും അതു തുടരണം.
നിപ്പ ബാധിച്ച് കോഴിക്കോട് ചികിത്സയിലായിരുന്ന 9 വയസ്സുകാരനു രോഗമുക്തി: ഈ കുട്ടിയുള്‍പ്പെടെയുള്ള നാല് പേരും രോഗമുക്തി നേടി ഡബിള്‍ നെഗറ്റീവ് ആയെന്ന് ആരോഗ്യമന്ത്രി
Byadmin
Sep 29, 2023