ചെന്നൈ: ഓട്ടോക്കാരന് അബദ്ധത്തില്‍ 9000 കോടി രൂപ ട്രാന്‍സ്ഫര്‍ ചെയ്ത സംഭവത്തില്‍ ബാങ്കിന്റെ മാനേജിങ് ഡയറക്ടര്‍ രാജിവച്ചു. തമിഴ്‌നാട് മെര്‍ക്കിന്റല്‍ ബാങ്ക് എം.ഡി. എസ്. കൃഷ്ണനാണ് രാജിവച്ചത്. വ്യക്തിപരമായ കാരണങ്ങളാലാണ് രാജിയെന്ന് അദ്ദേഹം അറിയിച്ചു.
ബാങ്കിന്റെ ബോര്‍ഡ് ഡയറക്ടര്‍മാര്‍ യോഗം ചേര്‍ന്ന് അദ്ദേഹത്തിന്റെ രാജി അംഗീകരിച്ചു. തീരുമാനം ആര്‍.ബി.ഐയെ അറിയിക്കുകയും ചെയ്തു. ആര്‍.ബി.ഐയില്‍ നിന്നും അറിയിപ്പ് ലഭിക്കുന്നത് വരെ അദ്ദേഹം എം.ഡിയായി തുടരുമെന്നും ബാങ്കിന്റെ ബോര്‍ഡ് അറിയിച്ചു.
സെപ്റ്റംബര്‍ ഒമ്പതിന് ഉച്ചകഴിഞ്ഞ മൂന്നിനാണ് ഓട്ടോ ഡ്രൈവറായ രാജ്കുമാറിന്റെ അക്കൗണ്ടിലേക്ക് 9000 കോടി രൂപയെത്തിയത്. എസ്.എം.എസിലൂടെയായിരുന്നു ഇയാള്‍ അക്കൗണ്ടില്‍ പൈസയെത്തിയ വിവരമറിയുന്നത്.
മണിക്കൂറുകള്‍ക്കുള്ളില്‍ അബദ്ധത്തിലാണ് പണം നിക്ഷേപിച്ചതെന്ന് അറിയിച്ച് ബാങ്കില്‍ നിന്നും രാജ്കുമാറിന് വിളിയെത്തി. ബാങ്ക് രാജ്കുമാറിന്റെ അക്കൗണ്ടില്‍ നിന്നും 9000 കോടി പിന്‍വലിക്കുകയുമായിരുന്നു.
ഓട്ടോക്കാരന് അബദ്ധത്തില്‍ 9000 കോടി രൂപ ട്രാന്‍സ്ഫര്‍ ചെയ്ത സംഭവത്തില്‍ ബാങ്കിന്റെ മാനേജിങ് ഡയറക്ടര്‍ രാജിവച്ചു
Byadmin
Sep 29, 2023