‘വലിയ പാത്രത്തിലെ ചോറിൽ കറുത്ത വറ്റ് ഉണ്ടെങ്കിൽ അത് എടുത്ത് കളയുകയാണ് ചെയ്യാറുള്ളത്. അല്ലാതെ പാത്രം മൊത്തം കളയുക അല്ലല്ലോ ചെയ്യുന്നത്’; കരുവന്നൂരിൽ ഇഡി രാഷ്ട്രീയ വേട്ടക്ക് ശ്രമിക്കുന്നുവെന്ന് മുഖ്യമന്ത്രി

തി​രു​വ​ന​ന്ത​പു​രം: ക​രു​വ​ന്നൂ​ർ സ​ഹ​ക​ര​ണ ബാ​ങ്കു​മാ​യി ബ​ന്ധ​പ്പെ​ട്ടു​ള്ള ഇ​ഡി അ​ന്വേ​ഷ​ണം ലോ​ക്സ​ഭാ തെ​ര​ഞ്ഞെ​ടു​പ്പ് മു​ന്നി​ൽ ക​ണ്ടാ​ണെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. സം​സ്ഥാ​ന​ത്തെ സ​ഹ​ക​ര​ണ മേ​ഖ​ല​യെ ത​ക​ർ​ക്കു​ക എ​ന്ന ഗു​ഢ​ല​ക്ഷ്യ​മാ​ണ് കേ​ന്ദ്ര സ​ർ​ക്കാ​രി​നു​ള്ള​ത്. ഇ​തി​നാ​യു​ള്ള പ്ര​വ​ർ​ത്തി​ക​ൾ അ​വ​ർ വ​ള​രെ മു​ൻ​പ് ത​ന്നെ തു‌​ട​ങ്ങി​യി​രു​ന്നു. സി​പി​എം നേ​താ​ക്ക​ളെ മോ​ശ​ക്കാ​രാ​ക്കാ​നാ​ണ് ഇ​ഡി ശ്ര​മ​മെ​ന്നും അ​ദ്ദേ​ഹം ആ​രോ​പി​ച്ചു.
ക​രു​വ​ന്നൂ​രി​ൽ ഇ​ഡി അ​ന്വേ​ഷ​ണം ന​ട​ത്തി പു​തി​യ​താ​യി ഒ​ന്നും ക​ണ്ടെ​ത്തി​യി​ട്ടി​ല്ല. ബാ​ങ്കി​ലെ ക്ര​മ​ക്കേ​ടു​മാ​യി ബ​ന്ധ​പ്പെ​ട്ട് 2021-ൽ ​ത​ന്നെ സം​സ്ഥാ​ന പോ​ലീ​സ് കേ​സ് ര​ജി​സ്റ്റ​ർ ചെ​യ്തി​രു​ന്നു. പോ​ലീ​സ്, ക്രൈം​ബ്രാ​ഞ്ച് അ​ന്വേ​ഷ​ണ​ങ്ങ​ൾ മി​ക​വു​റ്റ​താ​യി​രു​ന്നു. ക​രു​വ​ന്നൂ​രി​ലെ സം​ഭ​വം സ​ർ​ക്കാ​ർ അ​തീ​വ ഗൗ​ര​വ​ത​ര​മാ​യാ​ണ് ക​ണ്ട​തെ​ന്നും മു​ഖ്യ​മ​ന്ത്രി വ്യ​ക്ത​മാ​ക്കി.

 സഹകരണ മേഖലയെ മോശമായി ചിത്രീകരിക്കാനുള്ള ശ്രമമാണ് ഇപ്പോള്‍ നടക്കുന്നത്. വലിയ പാത്രത്തിലെ ചോറിൽ കറുത്ത വറ്റ് ഉണ്ടെങ്കിൽ അത് എടുത്ത് കളയുകയാണ് ചെയ്യാറുള്ളത്. അല്ലാതെ പാത്രം മൊത്തം കളയുക അല്ലല്ലോ ചെയ്യുന്നതെന്ന് മുഖ്യമന്ത്രി ചോദിച്ചു.
ബഹു ഭൂരിപക്ഷം സഹകരണ സംഘങ്ങളും നല്ല രീതിയിലാണ് പ്രവർത്തിക്കുന്നത്. സംസ്ഥാനത്തെ 16255 സംഘങ്ങളിലും പരിശോധന നടക്കുന്നുണ്ട്. 98.5 സഹകരണ മേഖലയും കുറ്റമറ്റതാണ്. കേന്ദ്ര നീക്കം തെരഞ്ഞെടുപ്പ് മുന്നില്‍ കണ്ടെന്ന് സംശയിക്കണമെന്നും മുഖ്യമന്ത്രി പറഞ്ഞു.