തിരുവനന്തപുരം: നിങ്ങളുടെ നാട്ടിൽ രഹസ്യമായി ലഹരി വസ്തുക്കൾ വിൽക്കുന്നവരുണ്ടെങ്കിൽ അവരുടെ വിവരങ്ങൾ ഇനി പോലീസിനെ അറിയിക്കാം. ജനങ്ങളുടെ സഹകരണത്തോടെ ലഹരി നിര്‍മ്മാര്‍ജ്ജനം സാധ്യമാക്കുകയാണ് ലക്ഷ്യം. ലഹരി ഉപയോഗം, വിതരണം സംബന്ധിച്ച വിവരങ്ങള്‍ കേരള പൊലീസിന് രഹസ്യമായി കൈമാറുന്നതിനുള്ള സംവിധാനമാണ് ഒരുക്കിയത്.
രഹസ്യവിവരങ്ങള്‍ ആന്റി നാര്‍ക്കോട്ടിക് കണ്‍ട്രോള്‍ റൂം നമ്പറായ 9497927797 ലേക്ക് വിളിച്ച് അറിയിക്കാവുന്നതാണെന്ന് കേരള പൊലീസ് ഫെയ്‌സ്ബുക്ക് കുറിപ്പിലൂടെ അറിയിച്ചു.
കൂടാതെ pgcelladgplo.pol@kerala.gov.in എന്ന ഇ-മെയില്‍ വിലാസം വഴിയും വിവരങ്ങള്‍ അറിയിക്കാം. വിവരങ്ങള്‍ നല്‍കുന്നവരുടെ വിശദാംശങ്ങള്‍ രഹസ്യമായി സൂക്ഷിക്കുമെന്നും കേരള പൊലീസ് അറിയിച്ചു.
കേരള പോലീസിന്റെ കുറിപ്പ്:
ലഹരി നിര്‍മ്മാര്‍ജ്ജനത്തിനായി നമുക്ക് ഒരുമിച്ചു പോരാടാം. ലഹരി ഉപയോഗം, വിതരണം സംബന്ധിച്ച രഹസ്യവിവരങ്ങള്‍ ആന്റി നാര്‍ക്കോട്ടിക് കണ്‍ട്രോള്‍ റൂം നമ്പറായ 9497927797 ലേക്ക് അറിയിക്കൂ. വാട്‌സാപ്പ് വഴിയോ നേരിട്ടോ വിവരങ്ങള്‍ കൈമാറാം. കൂടാതെ pgcelladgplo.pol@kerala.gov.in എന്ന ഇ-മെയില്‍ വിലാസം വഴിയും വിവരങ്ങള്‍ അറിയിക്കാം. വിവരങ്ങള്‍ നല്‍കുന്നവരുടെ വിശദാംശങ്ങള്‍ രഹസ്യമായി സൂക്ഷിക്കും.
നിങ്ങളുടെ പ്രദേശത്ത് ലഹരി വില്‍ക്കുന്നവരുണ്ടോ? എങ്കിൽ അവരെ പൂട്ടാം! രഹസ്യമായി വിവരങ്ങൾ അറിയിക്കാൻ നമ്പറുമായി കേരള പൊലീസ്
Byadmin
Sep 28, 2023