വെളുക്കാനായി തേയ്ക്കുന്ന ഫെയർനെസ് ക്രീമുകൾ ഗുരുതര വൃക്ക രോഗങ്ങൾക്ക് കാരണമാകുന്നുവെന്ന് റിപ്പോർട്ട്; ആരോഗ്യ വകുപ്പിനെ അറിയിച്ച് ഡോകട്ർമാർ; മുന്നറിയിപ്പുമായി ഡ്രഗ്സ് ക​ണ്‍ട്രോ​ള്‍ വിഭാഗം, മലപ്പുറത്ത് ചികിത്സ നേടിയത് നിരവധി പേര്‍

മലപ്പുറം ; വെളുക്കാനായി ഉപയോഗിക്കുന്ന ക്രീമുകൾ വൃക്ക രോഗങ്ങൾക്ക് കാരണമാകുന്നുവെന്ന് റിപ്പോർട്ട്. ഗുരുതര വൃക്ക രോഗവുമായി നിരവധിപ്പേർ ചികിത്സ തേടിയിട്ടുണ്ടെന്നും ജാഗ്രത വേണമെന്നും മലപ്പുറം ആ​സ്റ്റ​ര്‍ മിം​സ് ഹോ​സ്പി​റ്റ​ലി​ലെ നെഫ്രോളജി വിഭാഗം ഡോക്ടർമാർ ആരോഗ്യവകുപ്പിനെ അറിയിച്ചു. നെ​ഫ്രോ​ള​ജി വി​ഭാ​ഗത്തിലെ ഡോക്ടർമാരായ ഡോ. സജീഷ് ശിവദാസും ഡോ. രഞ്ജിത് നാരായണനും വൃക്കരോഗികളിൽ നടത്തിയ പരിശോധനയിലാണ് ഫെയർനെസ് ക്രീമുകൾ ഉപയോഗിക്കുന്നവരിൽ അപൂർവ രോഗം പടരുന്നത് കണ്ടെത്തിയത്.
വെളുക്കാനായി ഉപയോഗിക്കുന്ന ഫെ​യ​ര്‍നെ​സ് ക്രീമുകളിൽ ഉ​യ​ര്‍ന്ന അ​ള​വി​ല്‍ ലോ​ഹ​മൂ​ല​ക​ങ്ങൾ അടങ്ങിയിട്ടുണ്ടെന്നാണ് റിപ്പോർട്ട്. ഇത്തരം ക്രീ​മു​ക​ള്‍ ഉ​പ​യോ​ഗി​ച്ച സ്ത്രീ​ക​ളും പു​രു​ഷ​ന്മാ​രും ഉ​ള്‍പ്പെ​ടെ​യു​ള്ള​വ​രിൽ മെ​മ്പ​ന​സ് നെ​ഫ്രോ​പ്പ​തി എ​ന്ന അ​പൂ​ര്‍വ വൃ​ക്ക​രോ​ഗമാണ് കണ്ടെത്തിയിരിക്കുന്നത്. ക​ഴി​ഞ്ഞ ഫെ​ബ്രു​വ​രി മു​ത​ല്‍ ജൂ​ണ്‍ വ​രെ ചി​കി​ത്സ തേ​ടി​യെ​ത്തി​യ സ്ത്രീ​ക​ളും പു​രു​ഷ​ന്മാ​രും ഉ​ള്‍പ്പെ​ടെ​യു​ള്ള രോ​ഗി​ക​ളി​ലാണ് രോഗം കണ്ടെത്തിയത്.
റിപ്പോർട്ടിന്റെ അടിസ്ഥാനത്തിൽ, വി​പ​ണി​യി​ല്‍ ല​ഭി​ക്കു​ന്ന എ​ന്തും മു​ഖ​ത്ത് തേ​ക്കു​ന്ന പ്ര​വ​ണ​ത ഒ​ഴി​വാ​ക്ക​ണ​മെ​ന്ന് ജി​ല്ല ഡ്ര​ഗ്‌​സ് ക​ണ്‍ട്രോ​ള്‍ വി​ഭാ​ഗം അ​റി​യി​ച്ചു. സൗ​ന്ദ​ര്യ​വ​ര്‍ധ​ക ഉ​ൽ​പ​ന്ന​ങ്ങ​ളി​ലെ ഇ​റ​ക്കു​മ​തി വി​വ​രം, ര​ജി​സ്‌​ട്രേ​ഷ​ന്‍ സ​ര്‍ട്ടി​ഫി​ക്ക​റ്റ് ന​മ്പ​ര്‍, സാ​ധ​ന​ത്തി​ന്റെ പേ​രും വി​ലാ​സ​വും എ​ന്നി​വ സൂ​ക്ഷ്മ​മാ​യി പ​രി​ശോ​ധി​ക്ക​ണം. വ്യാ​ജ ഉ​ൽ​പ​ന്ന​ങ്ങ​ള്‍ വി​ല്‍പ​ന ന​ട​ത്തു​ന്ന​ത് കു​റ്റ​ക​ര​മാ​ണ്. ഇ​ത്ത​രം ഉ​ൽ​പ​ന്ന​ങ്ങ​ള്‍ വി​ല്‍ക്കു​ന്ന​ത് ക​ണ്ടാ​ല്‍ ന​ട​പ​ടി സ്വീ​ക​രി​ക്കുമെന്നും അധികൃതർ പറഞ്ഞു.
വിദേശ രാജ്യങ്ങളിൽ നിന്നാണ് ഇത്തരം വ്യാജ ഫേഷ്യൽ ക്രീമുകൾ എത്തുന്നത്. മെർക്കുറി, ലെഡ് അടക്കമുള്ള ലോഹമൂലകങ്ങളാണ് ക്രീമുകളിൽ അടങ്ങിയിരിക്കുന്നത്. പല പേരുകളിൽ ഓൺലൈൻ സൈറ്റുകളിലും ഫാൻസി കടകളിലും ഇവ സുലഭമായി ലഭിക്കും. രോഗികളായവർ എല്ലാവരും ഉപയോഗിച്ചത് ഒരേ തരത്തിലുള്ള വിവിധ പേരുകളിൽ പുറത്തിറങ്ങിയ ഫേഷ്യൽ ക്രീമുകളാണ്. ക്രീമുകൾ ഉപയോഗിച്ച രോഗികളിൽ മെർക്കുറി, ഈയം, കാഡ്മിയം, ആഴ്‍സനിക് തുടങ്ങിയ മൂലകങ്ങളുടെ അളവ് അനുവദനീയമായതിലും നൂറിലധികം മടങ്ങാണ് കണ്ടെത്തിയത്.
തുടക്കത്തിൽ മുഖം വെളുത്തു തുടുക്കുമെങ്കിലും പിന്നീട് അസുഖ ലക്ഷങ്ങൾ കണ്ടു തുടങ്ങും. ക്ഷീ​ണം, മൂ​ത്ര​ത്തി​ൽ അ​മി​ത​മാ​യ പ​ത, കാ​ലു​ക​ൾ, മു​ഖം എ​ന്നി​വ​യി​ൽ വ​രു​ന്ന നീ​ര് എ​ന്നി​വ​യാ​ണ് പ്ര​ധാ​ന ല​ക്ഷ​ണ​ങ്ങ​ൾ. ക്രീം ​നി​ർ​ത്തി​യാ​ൽ മു​ഖ​ത്തി​ന് ചു​ളി​വ് വ​രു​ന്ന​താ​യും കാ​ണു​ന്നു​ണ്ട്.
14 വ​യ​സു​കാ​രി​യി​ലാ​ണ് രോഗം ആ​ദ്യം ശ്ര​ദ്ധ​യി​ല്‍പ്പെ​ട്ട​ത്. രോഗിയിൽ അ​പൂ​ര്‍വ​മാ​യ നെ​ല്‍ 1 എംഎ​ന്‍ പോ​സി​റ്റി​വാ​യി​രു​ന്നു. മ​രു​ന്നു​ക​ള്‍ ഫ​ല​പ്ര​ദ​മാ​കാ​തെ അ​വ​സ്ഥ ഗു​രു​ത​ര​മാ​യ സാ​ഹ​ച​ര്യ​ത്തി​ലാ​ണ് കൂ​ടു​ത​ൽ അ​ന്വേ​ഷി​ച്ച​ത്. ഇ​തോ​ടെ​യാ​ണ് ഫെയർനസ് ക്രീം അടുത്ത ദി​വ​സ​ങ്ങ​ളി​ല്‍ ഉ​പ​യോ​ഗി​ച്ച​താ​യി ക​ണ്ടെ​ത്തി​യ​ത്. ഇ​തേ​സ​മ​യ​ത്തു​ത​ന്നെ കു​ട്ടി​യു​ടെ ബ​ന്ധു​വാ​യ കു​ട്ടി​കൂ​ടി സ​മാ​ന​ രോ​ഗാ​വ​സ്ഥ​യു​മാ​യി ചി​കി​ത്സ തേ​ടി​യെ​ത്തി. ഇ​രു​വ​ര്‍ക്കും അ​ന്വേ​ഷ​ണ​ത്തി​ല്‍ ഈ ​കു​ട്ടി​യും ഫെ​യ​ര്‍നെ​സ് ക്രീം ​ഉ​പ​യോ​ഗി​ച്ച​താ​യി തെ​ളി​ഞ്ഞു.
പിന്നീട് 29 വ​യ​സ്സു​കാ​ര​നാ​യ മ​റ്റൊ​രു യു​വാ​വു​കൂ​ടി സ​മാ​ന​ല​ക്ഷ​ണ​വു​മാ​യി വ​രു​ക​യും അ​ന്വേ​ഷ​ണ​ത്തി​ല്‍ ഇ​തേ ഫെ​യ​ര്‍നെ​സ് ക്രീം ​ര​ണ്ട് മാ​സ​മാ​യി ഉ​പ​യോ​ഗി​ച്ച​താ​യി തെ​ളി​യു​ക​യും ചെ​യ്തു. ഇ​തോ​ടെ സ​മാ​ന​ല​ക്ഷ​ണ​ങ്ങ​ളു​മാ​യി ചി​കി​ത്സ തേ​ടി​യ മു​ഴു​വ​ന്‍ പേരോടും അന്വേഷിക്കുകയും എ​ട്ടു​പേ​ര്‍ ഫെ​യ​ര്‍നെ​സ് ക്രീം ​ഉ​പ​യോ​ഗി​ച്ച​വ​രാ​ണെ​ന്ന് മനസിലാക്കുകയും ചെയ്തു. ഇ​തോ​ടെയാണ് ഫെ​യ​ര്‍നെ​സ് ക്രീം ​വി​ശ​ദ പ​രി​ശോ​ധ​ന​ക്ക് വി​ധേ​യ​മാ​ക്കി​യതെന്ന് ഡോക്ടാർമാർ പറഞ്ഞു.
ഗു​രു​ത​രാ​വ​സ്ഥ​യി​ലാ​യ 14കാ​രി സു​ഖം പ്രാ​പി​ച്ച​താ​യി ആ​സ്റ്റ​ർ മിം​സ് മെ​ഡി​ക്ക​ൽ ചീ​ഫ് ഡോ. ​പിഎ​സ് ഹ​രി പ​റ​ഞ്ഞു. ഒ​രു വ​ർ​ഷ​ത്തോ​ള​മാ​യി ഈ ​കു​ട്ടി ചി​കി​ത്സ​യി​ലാ​ണ്. എന്നാൽ അന്ന് രോ​ഗം എ​ങ്ങ​നെ വ​ന്നെ​ന്ന് സ്ഥി​രീ​ക​രി​ക്കാ​ൻ ക​ഴി​ഞ്ഞി​രു​ന്നി​ല്ല. അതിനാൽ തന്നെ ചി​കി​ത്സ​യി​ൽ ക​ഴി​യു​മ്പോ​ഴും കുട്ടി ക്രീം ​ഉ​പ​യോ​ഗി​ച്ചി​രു​ന്നു.
മറ്റ് ആശുപത്രികളിലും ഇത്തരം രോഗികൾ എത്തുന്നുണ്ടെന്നും ഡോക്ടർമാരുടെ അന്വേഷണത്തിൽ വ്യക്തമായിട്ടുണ്ട്. ചൈന, പാകിസ്ഥാൻ,തുർക്കി രാജ്യങ്ങളുടെ ലേബലിലാണ് ഉത്പന്നങ്ങൾ ഫാൻസി കടകളിലും ഓൺലൈൻ സൈറ്റുകളിലും വിൽപ്പന നടത്തുന്നത്. ആരോഗ്യ വകുപ്പിനെ വിവരം അറിയിച്ചിട്ടുണ്ടെന്ന് ഡോകർമാർ പറഞ്ഞു.