ഇടുക്കിയില്‍ കാ​ട്ടാ​ന റോ​ഡി​ൽ; സ്കൂ​ട്ട​ർ മ​റി​ഞ്ഞ് യാ​ത്ര​ക്കാ​ർ​ക്കു പ​രി​ക്ക്

ഇടുക്കി:  വണ്ണപ്പുറത്ത് റോ​ഡി​ലി​റ​ങ്ങി​യ കാ​ട്ടാ​ന​യെ ക​ണ്ട് ര​ക്ഷ​പ്പെ​ടാ​ൻ ശ്ര​മി​ക്കു​ന്ന​തി​നി​ടെ സ്കൂ​ട്ട​ർ നി​യ​ന്ത്ര​ണം വി​ട്ടു മ​റി​ഞ്ഞ് യാ​ത്ര​ക്കാ​ർ​ക്ക് പ​രി​ക്കേ​റ്റു. മു​ള്ള​രി​ങ്ങാ​ട് ചാ​മ​പ്പാ​റ​യി​ൽ പ്ര​സാ​ദ്, കു​റു​ന്പ​ന​യ്ക്ക​ൽ ര​തീ​ഷ് എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ഇ​വ​ർ മൂ​വാ​റ്റു​പു​ഴ​യി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. അ​പ​ക​ട​ത്തി​ൽ ഒ​രാ​ളു​ടെ കൈ ​ഒ​ടി​ഞ്ഞു. ഇ​രു​വ​ർ​ക്കും സാ​ര​മാ​യി പ​രി​ക്കേ​ൽ​ക്കു​ക​യും ചെ​യ്തു. ശ​നി​യാ​ഴ്ച രാ​ത്രി 10.30 ഓ​ടെ​യാ​യി​രു​ന്നു സം​ഭ​വം. ഇ​വ​ർ പൈ​ങ്ങോ​ട്ടൂ​രി​ൽ​നി​ന്നു മു​ള്ള​രി​ങ്ങാ​ടി​ന് വ​രു​ന്ന വ​ഴി ചാ​ത്ത​മ​റ്റ​ത്താ​ണ് റോ​ഡി​ൽ കാ​ട്ടാ​ന നി​ൽ​ക്കു​ന്ന​ത് ക​ണ്ട​ത്. ആ​ന​യെ ക​ണ്ടു ഭ​യ​ന്ന ഇ​വ​ർ പെ​ട്ടെന്ന് വാ​ഹ​നം എ​തി​ർ​വ​ശ​ത്തേ​ക്ക് വെ​ട്ടി​ച്ച​തോ​ടെ റോ​ഡ​രി​കി​ൽ കൂ​ട്ടി​യി​ട്ടി​രു​ന്ന ജ​ല​വി​ത​ര​ണ പൈ​പ്പി​ൽ ക​യ​റി മ​റി​യു​ക​യാ​യി​രു​ന്നു. വാ​ഹ​ന​ത്തി​നും സാ​ര​മാ​യ കേ​ടു​പാ​ടു സം​ഭ​വി​ച്ചു. കു​റേ സ​മ​യം റോ​ഡി​ൽ നി​ന്ന​ശേ​ഷ​മാ​ണ് ആ​ന മാ​റി​പ്പോ​യ​ത്. മു​ള്ള​രി​ങ്ങാ​ട് മേ​ഖ​ല​യി​ൽ കാ​ട്ടാ​ന​ശ​ല്യം അ​തി​രൂ​ക്ഷ​മാ​ണെ​ന്ന് നാ​ട്ടു​കാ​ർ പ​റ​ഞ്ഞു. ആ​ന​ശ​ല്യം നി​യ​ന്ത്രി​ക്കാ​ൻ വ​നം​വ​കു​പ്പ് ഒ​രു ന​ട​പ​ടി​യും സ്വീ​ക​രി​ക്കു​ന്നി​ല്ലെ​ന്നാ​ണ് ഇ​വ​രു​ടെ പ​രാ​തി. മാ​സ​ങ്ങ​ൾ​ക്കു​മു​ന്പ് പ്ര​ദേ​ശ​വാ​സി​ക​ൾ വ​നം​വ​കു​പ്പ് ഓ​ഫീ​സി​നു മു​ന്പി​ൽ ന​ട​ത്തി​യ പ്ര​തി​ഷേ​ധ സ​മ​ര​ത്തെ​ത്തു​ട​ർ​ന്ന് മൂ​ന്നു കി​ലോ​മീ​റ്റ​ർ ഭാ​ഗ​ത്ത് ആ​ന​യെ പ്ര​തി​രോ​ധി​ക്കാ​ൻ വേ​ലി കെ​ട്ടി​യി​രു​ന്നു. എ​ന്നാ​ൽ, ഒ​രു ഭാ​ഗ​ത്തു മാ​ത്രം വേ​ലി കെ​ട്ടി​യ​തു​കൊ​ണ്ട് കാ​ര്യ​മാ​യ പ്ര​യോ​ജ​നം ഉ​ണ്ടാ​യി​ല്ല. കൂ​ടാ​തെ റോ​ഡി​ൽ വെ​ളി​ച്ച​മി​ല്ലാ​ത്ത​തി​നാ​ൽ ആ​ന ഇ​റ​ങ്ങി​യാ​ൽ വാ​ഹ​നം അ​ടു​ത്തെ​ത്തി​യാ​ൽ മാ​ത്ര​മേ കാ​ണാ​ൻ ക​ഴി​യൂ. സോ​ളാ​ർ ലൈ​റ്റും ഇ​രു​വ​ശ​വും വേ​ലി​യും നി​ർ​മി​ച്ച് വ​ന​വും റോ​ഡും വേ​ർ​തി​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. തെ​ങ്ങും റ​ബ​റും ഉ​ൾ​പ്പെ​ടെ എ​ല്ലാ കൃ​ഷി​ക​ളും കാ​ട്ടാ​ന​യും കാ​ട്ടു​പ​ന്നി​യും കു​ര​ങ്ങു​ക​ളും ന​ശി​പ്പി​ച്ചി​ട്ടും ഇ​വ​യെ നി​യ​ന്ത്രി​ക്കാ​ൻ ത​യാ​റാ​കാ​ത്ത വ​നം​വ​കു​പ്പി​ന്‍റെ ന​ട​പ​ടി​യി​ൽ വീ​ണ്ടും പ്ര​തി​ഷേ​ധ​ത്തി​നൊ​രു​ങ്ങു​ക​യാ​ണ് ക​ർ​ഷ​ക​ർ.