കോട്ടയം: ഡല്‍ഹിയില്‍ നടക്കുന്ന സ്വാതന്ത്ര്യദിന പരിപാടികളില്‍ പങ്കെടുക്കാന്‍ ക്ഷണം കിട്ടിയ സന്തോഷത്തിലാണ് കോട്ടയം മാന്‍വെട്ടം സ്വദേശികളായ ജോളി അലക്സാണ്ടറും ഭാര്യ സാലിമ്മ ജോളിയും.
പ്രധാനമന്ത്രി ദേശീയ പതാക ഉയര്‍ത്തുന്ന ചടങ്ങിലും ശേഷം നടക്കുന്ന സ്വാതന്ത്ര പരേഡിലും പങ്കെടുക്കാനാണ് നബാര്‍ഡില്‍ നിന്ന് ദമ്പതികള്‍ക്ക് ക്ഷണം കിട്ടിയത്. ഡല്‍ഹിലേക്കുള്ള ട്രെയിന്‍ ടിക്കറ്റും ചടങ്ങില്‍ പങ്കെടക്കാനുള്ള പാസും ലഭിച്ചതായി സാലിമ്മ ജോളി പറഞ്ഞു. പരിപാടിയില്‍ പങ്കെടുക്കാന്‍ 12ന് ഇവര്‍ പോകും. 18നാണ് മടങ്ങുക.
മാന്‍വെട്ടം ഫാര്‍മേഴ്സ് പ്രൊഡ്യൂസേഴ്സ് കമ്പിനിയുടെ ഡയറക്ടര്‍ ബോര്‍ഡംഗവും മാഞ്ഞൂര്‍ പഞ്ചായത്ത് വികസനകാര്യ സ്റ്റാന്‍ഡിങ് കമ്മിറ്റി അധ്യക്ഷയുമാണ് സാലിമ്മ ജോളി. നബാര്‍ഡാണ് യാത്രാ, താമസം, ഭക്ഷണം ഉള്‍പ്പെടെ മുഴുവന്‍ ചെലവുകളും വഹിക്കുക. കേരളത്തില്‍നിന്ന് മൂന്ന് ദമ്പതികള്‍ക്കാണ് സ്വാതന്ത്ര്യദിന പരിപാടിയില്‍ പങ്കെടുക്കാന്‍ ക്ഷണം കിട്ടിയത്. വയനാട്, ഇടുക്കി ജില്ലകളില്‍ നിന്നുള്ളവരാണ് മറ്റുള്ളവര്‍.
ജോളിയും സാലിമ്മയും വെരി ഹാപ്പി; ഡല്‍ഹിയില്‍ സ്വാതന്ത്രദിന പരിപാടികളില്‍ പങ്കെടുക്കാന്‍ ദമ്പതികള്‍ക്ക് ക്ഷണം
Byadmin
Aug 11, 2023