കാസര്‍കോട്: ബിജെപി സംസ്ഥാന പ്രസിഡന്റ് കെ.സുരേന്ദ്രന് വീണ് പരുക്കേറ്റു. ബിജെപി ബൂത്ത് ദര്‍ശന്‍ പരിപാടിയുടെ ഭാഗമായി മഞ്ചേശ്വരം മണ്ഡലത്തിലെ വോര്‍ക്കാടിയില്‍ ഇന്നലെ രാത്രി ഒരു വീട്ടിലേക്കു പ്രവര്‍ത്തകരോടൊപ്പം പോകുന്നതിനിടെ തെന്നി വീഴുകയായിരുന്നു. സ്വകാര്യ ആശുപത്രിയില്‍ പരിശോധന നടത്തി. പരുക്ക് ഗുരുതരമല്ല. വിശ്രമം ആവശ്യപ്പെട്ടതിനാല്‍ ഇന്നത്തെ പരിപാടികള്‍ റദ്ദാക്കി.
ഇന്നു മഞ്ചേശ്വരം മണ്ഡലത്തിലെ ബുത്ത് നമ്പര്‍ 90ലെ മംഗല്‍പാടി പഞ്ചായത്തില്‍പ്പെട്ട ചെറു ഗോളി ഭാഗങ്ങളിലെ പാര്‍ട്ടി അംഗങ്ങളുടെ വീട്ടില്‍ എത്തി പ്രായം കൂടിയ പാര്‍ട്ടി പ്രവര്‍ത്തകരെ കാണുന്നതിനിടെ കാല്‍വേദന അനുഭവപ്പെട്ടതിനാല്‍ വിശ്രമത്തിനായി കാസര്‍കോട്ടേക്കു മടങ്ങി ഡോക്ടറെ കണ്ടു. തുടര്‍ന്ന് വിശ്രമം എടുക്കാന്‍ പാര്‍ട്ടിയുടെ ജില്ലാ ഓഫിസിലെത്തി.
ഇന്നു രാവിലെ മംഗല്‍പ്പാടി പഞ്ചായത്തിലെ ചെറു ഗോളിയില്‍ ജില്ലാ പ്രസിഡന്റ് രവിശ് തന്ത്രി, മണ്ഡലം ഭാരവാഹികള്‍ എന്നിവരുമൊത്ത് ഏതാനും വീടുകള്‍ കയറിയിരുന്നു. അമ്പാര്‍ സദാശിവക്ഷേത്രവും സന്ദര്‍ശിച്ചു. പിന്നീടാണ് മടങ്ങിയത്.
ബിജെപി സംസ്ഥാന പ്രസിഡന്റ് കെ.സുരേന്ദ്രന് തെന്നി വീണു; നിസാര പരുക്ക്, ഇന്നത്തെ പരിപാടികള്‍ റദ്ദാക്കി
Byadmin
Aug 5, 2023