മു​ത​ല​പ്പൊ​ഴി​യി​ൽ മ​ന്ത്രി​മാ​രെ ത​ട​ഞ്ഞ ഫാ. ​യൂ​ജി​ൻ പെ​രേ​ര​യ്ക്കെ​തി​രെ കേസ്; പൊലീസ് കേ​സെ​ടു​ത്തത് ക​ലാ​പ​ഹ്വാ​ന​ത്തി​നും റോഡ് ഉപരോധിച്ചതിനും; ക​ണ്ടാ​ല​റി​യാ​വു​ന്ന 50​ല​ധി​കം പേ​ർ​ക്കെ​തി​രെയും കേ​സ്

തി​രു​വ​ന​ന്ത​പു​രം: മു​ത​ല​പ്പൊ​ഴി​യി​ൽ മ​ന്ത്രി​മാ​രെ ത​ട​ഞ്ഞ സം​ഭ​വ​ത്തി​ൽ ല​ത്തീ​ൻ അ​തി​രൂ​പ​ത വി​കാ​രി ജ​ന​റൽ ഫാ. ​യൂ​ജി​ൻ പെ​രേ​ര​യ്ക്കെ​തി​രെ കേ​സെ​ടു​ത്തു. അ​ഞ്ചു​തെ​ങ്ങ് പോ​ലീ​സാ​ണ് ക​ലാ​പ​ഹ്വാ​ന​ത്തിനും റോ​ഡ് ഉ​പ​രോ​ധ​ത്തി​നും കേ​സെ​ടു​ത്തത്. കൂടാതെ ക​ണ്ടാ​ല​റി​യാ​വു​ന്ന 50ല​ധി​കം പേ​ർ​ക്കെ​തി​രെ​യും കേസെടുത്തിട്ടുണ്ട്
അ​ഞ്ചു​തെ​ങ്ങ് മു​ത​ല​പ്പൊ​ഴി​യി​ൽ മ​ത്സ്യ​ബ​ന്ധ​ന വ​ള്ളം മ​റി​ഞ്ഞ് ഒ​രു മ​ത്സ്യ​ത്തൊ​ഴി​ലാ​ളി മ​രി​ക്കു​ക​യും മൂ​ന്നു പേ​രെ കാ​ണാ​താ​കു​ക​യും ചെ​യ്തി​രു​ന്നു.
ഇ​തി​നു പി​ന്നാ​ലെ സ്ഥ​ലം സ​ന്ദ​ർ​ശി​ക്കാ​നെ​ത്തി​യ മ​ന്ത്രി​മാ​രാ​യ വി. ​ശി​വ​ൻ​കു​ട്ടി, ആ​ന്‍റ​ണി രാ​ജു, ജി.​ആ​ർ. അ​നി​ൽ എ​ന്നി​വ​ർ​ക്കെ​തി​രേ നാ​ട്ടു​കാ​ർ പ്ര​തി​ഷേ​ധ​മു​യ​ർ​ത്തി​യ​ത്. ഇ​തേ​ത്തു​ട​ർ​ന്നു മ​ന്ത്രി​മാ​ർ​ക്കു മ​ട​ങ്ങേ​ണ്ടി വ​ന്നു.
ര​ക്ഷാ​പ്ര​വ​ർ​ത്ത​നം വൈ​കു​ന്നുവെ​ന്ന് ആ​രോ​പി​ച്ചാ​യി​രു​ന്നു നാ​ട്ടു​കാ​രു​ടെ പ്ര​തി​ഷേ​ധം. പി​ന്നീ​ട് നാ​ട്ടു​കാ​ർ തീ​ര​ദേ​ശ പാ​ത ഉ​പ​രോ​ധി​ക്കു​ക​യും ചെ​യ്തു. സ്ഥ​ല​ത്തു​ണ്ടാ​യി​രു​ന്ന ഫാ. ​യൂ​ജി​ൻ പെ​രേ​ര​യാ​ണ് മ​ന്ത്രി​മാ​രെ ത​ട​യാ​ൻ നാ​ട്ടു​കാ​രെ പ്രേ​രി​പ്പി​ച്ച​തെ​ന്ന് മ​ന്ത്രി വി. ​ശി​വ​ൻ​കു​ട്ടി ആ​രോ​പി​ച്ചി​രു​ന്നു.