‘വന മഹോത്സവം 2023’ മണ്ണാർക്കാട് റെയിഞ്ചുതല ഉദ്ഘാടനം ചിറപ്പാടം ദാറുൽ ഫുർഖാൻ ഇംഗ്ലീഷ് മീഡിയം സ്കൂളില്‍ നടത്തി

പാലക്കാട്: കേരളത്തിൽ പങ്കാളിത്ത വനപരിപാലനം ആരംഭിച്ചതിന്റെ ഇരുപത്തിയഞ്ചാം 25 വർഷം പൂർത്തിയാകുന്ന 2023ൽ കേരള വനം വന്യജിവി വകുപ്പ് മണ്ണാർക്കാട് വനവികസന ഏജൻസി, മണ്ണാർക്കാട് റെയിഞ്ച് മണ്ണാർക്കാട് സ്റ്റേഷൻ, ആനമുളി വനസംരക്ഷണ സമിതിയുടെ നേതൃത്വത്തിൽ വിപുലമായ പരിപാടികളോടെ വന മഹോത്സവം മണ്ണാർക്കാട് റെയിഞ്ചുതല ഉദ്ഘാടനം ചിറപ്പാടം ദാറുൽ ഫുർഖാൻ ഇംഗ്ലീഷ് മീഡിയം സ്കൂളില്‍ വെച്ച് തെങ്കര ഗ്രാമപഞ്ചായത്ത് പ്രസിഡൻറ് ഷൗക്കത്ത് അലി നിർവഹിച്ചു.
ഉദ്ഘാടന പരിപാടിക്ക് മണ്ണാർക്കാട് റെയിഞ്ച് ഫോറസ്റ്റ് ഓഫീസർ എൻ സുബൈർ അധ്യക്ഷത വഹിച്ചു. പ്രൊബേഷൻനറി റെയിഞ്ച് ഫോറസ്റ്റ് ഓഫിസർ എ.ടി ഷിബുകുട്ടി വനമഹോത്സവ സന്ദേശം കൈമാറി. മെമ്പർമാരായ മുഹമ്മദ് ഉനൈസ്, സീനത്ത് ടി.കെ, സിബി കുര്യൻ, ഇ.രാംകുമാർ ഡിവൈആര്‍എഫ്ഒ, എഫ്.ഡി.എ ഡിവിഷൻ കോർഡിനേറ്റർ പി. അബ്ബാസ് എൻ പുരുഷോത്തമൻ ഡിവൈആര്‍എഫ്ഒ (ജിആര്‍) കാട്ടുതീ ജനകീയ പ്രതിരോധ സേനയെ പ്രതിനിധീകരിച്ച് ഷിയാസ് കൊച്ചിൻ ഉണ്ണി വരദം എന്നിവർ സന്നിഹിതരായി.
ആനമുളി വനസംരക്ഷണസമിതി സെക്രട്ടറി എം മൊഹദ്സുബൈർ കൃതജ്ഞത രേഖപ്പെടുത്തി. പാലക്കാട് അഹല്യ ഫൗണ്ടേഷൻ കണ്ണാശുപത്രിയുടെ സഹകരണത്തോടെ സൗജന്യ നേത്രരോഗ നിർണയ ക്യാമ്പ് സംഘടിപ്പിച്ചു. ക്യാമ്പിന് ഡോ. ശിൽപ്പ നേതൃത്വം നൽകി. 104 പേര്‍ ക്യാമ്പിൽ പരിശോധന നടത്തി. 12 രോഗികൾക്ക് തിമിര ശസ്ത്രക്രിയയ്ക്കും 15 രോഗികൾക്ക് തുടർ ചികിത്സയ്ക്കും അഹല്യ ഫൗണ്ടേഷൻ ഏറ്റെടുത്തു.
വട്ടമ്പലം മദർ കെയർ ഹോസ്പിറ്റലുമായി സഹകരിച്ച് അസ്ഥി രോഗ പരിശോധനയും ജനറൽ മെഡിസിൻ ക്യമ്പ് സംഘടിപ്പിച്ചു. ക്യാമ്പിന് ഓർത്തോ വിഭാഗം ഡോ. ഇർഷാദ്, ജനറൽ മെഡിസിൻ വിഭാഗം ഡോ. പ്രശാന്ത്. പി.വിയും നേതൃത്വം നൽകി. 136 രോഗികൾക്ക് പരിശോധന നടത്തി. സൗജന്യമായി രോഗികൾക്ക് മരുന്നുകൾ നൽകി.
പരിസ്ഥിതി മാധ്യമ പ്രവർത്തകൻ കെ. ശരവണ കുമാറിന്‍റെ നേതൃത്വത്തിൽ പ്രകൃതി പഠന ക്ലാസ് നടത്തി. പശ്ചിമഘട്ടത്തിന്റെ മിനിയേച്ചർ മാതൃക ഉപയോഗിച്ച് നടത്തിയ പഠനക്ലാസിൽ വിദ്യാർത്ഥികളും ക്യാമ്പിലെത്തിയ പൊതുജനങ്ങൾകൾ പ്പെടെ 300 ഓളംപേർ പങ്കെടുത്തു. ക്ലാസ് കുടികൾക്ക് നവ്യാനുഭവം ആയതായി കുട്ടികള്‍ അഭിപ്രായപ്പെട്ടു.
പരിസ്ഥിതി പ്രശ്നോത്തരി തെങ്കര ഗവ ഹൈസ്കൂൾ, രാജസ് ഇംഗ്ലീഷം മിഡിയം ഹൈസ്കൂൾ, ദാറുൽ നജാത്ത് ഹൈസ്ക്കൾ നെല്ലിപുഴ, മണ്ണാർക്കാട് കെടിഎം ഹൈസ്കുൾ, പൊറ്റശ്ശേരി ഗവ സ്കൂൾ എന്നീ ഹൈസ്കൂൾ വിദ്യാർത്ഥികൾക്കായി പരിസ്ഥിതി പ്രൾനോത്തരി സംഘടിപ്പിച്ചു.
ഹയർ സെക്കന്‍ററി തല കവിതാ രചന സംഘടിപ്പിച്ചു. ‘ദ്രവിച്ച ഇലകളുടെ നരമ്പുകൾക്ക് പറയാൻ ഉള്ളത്’ എന്ന വിഷയം അടിസ്ഥാനമാക്കി നടത്തിയ മത്സരത്തിൽ തെങ്കര ഹയർസെക്കൻഡറി സ്കൂൾ വിദ്യാർത്ഥികൾ പങ്കെടുത്തു. കാട്ടുതീ ജനകീയ പ്രതിരോധ സേനയുടെ സഹകരണത്തിൽ അട്ടപ്പാടി ചുരം റോഡ് മാലിന്യ നിർമ്മാജന പരിപാടിയും യാത്രക്കാർക്ക് വനംവകുപ്പ് തയ്യാറാക്കിയ ലഘുരേഖ വിതരണം ചെയ്യുകയും ചെയ്തു. പ്ലാസ്റ്റിക് വിമുക്ത ചുരം എന്ന സ്വപ്നത്തിലേക്ക് യാത്രക്കാരെ ഉയർത്തികൊണ്ട് വരുവാൻ ഉള്ള ശ്രമം ആരംഭിക്കുകയും ചെയ്തു.
മെഡിക്കൽ ക്യാമ്പ് വേദിയിൽ എത്തിയവർക്ക് മുന്നിൽ കാട്ടുതീ ജനകീയപ്രതിരോധ സേനയുടെ നേതൃത്വത്തിൽ ഫോട്ടോഗ്രാഫി പ്രദർശനവും സംഘടിപ്പിച്ചു.

By admin

Leave a Reply

Your email address will not be published. Required fields are marked *