പെരുമ്പാവൂർ വേങ്ങൂർ മേഖലയിൽ കാട്ടാന ആക്രമണം; രാവിലെ നടക്കാനിറങ്ങിയ രണ്ട് പേരെ കാട്ടാന ആക്രമിച്ചു

കൊച്ചി: പെരുമ്പാവൂർ വേങ്ങൂർ മേഖലയിൽ കാട്ടാന ആക്രമണം. ഇന്ന്‌ രാവിലെ ആറ് മണിക്കായിരുന്നു നടക്കാനിറങ്ങിയ രണ്ട് പേരെയാണ് കാട്ടാന ആക്രമിച്ചത്. ആക്രമണത്തിൽ ഒരാൾക്ക് ​ഗുരുരമായി പരിക്കേറ്റു.
കുട്ടമ്പുഴ വനംമേഖലയുമായി ചേർന്ന പ്രദേശത്ത് നടക്കാനിറങ്ങിയ രണ്ട് പേർക്ക് നേരെയാണ് കാട്ടാനയുടെ ആക്രമണമുണ്ടായത്. ആനയുടെ ആക്രമണത്തിൽ രാഘവൻ എന്ന വ്യക്തിയുടെ വാരിയെല്ല് പൊട്ടിയിട്ടുണ്ട്.
ഒപ്പമുണ്ടായിരുന്ന എൽദോസ് ഓടി രക്ഷപ്പെടുകയായിരുന്നു. പരിക്കേറ്റ രാഘവനെ നിലവിൽ ആശുപത്രിയിൽ പ്രവേശിപ്പിച്ചു.