തെലങ്കാന: തെലങ്കാനയിലെ നിർമൽ ജില്ലയിൽ ഐഐഐടി ബസാര എന്നറിയപ്പെടുന്ന രാജീവ് ഗാന്ധി യൂണിവേഴ്സിറ്റി ഓഫ് നോളജ് ടെക്നോളജീസിലെ വിദ്യാർത്ഥിനി വ്യാഴാഴ്ച കെട്ടിടത്തിൽ നിന്ന് വീണ് മരിച്ചു. ഇതേ സ്ഥാപനത്തിൽ നിന്ന് ഒരു വിദ്യാർത്ഥിനി ആത്മഹത്യ ചെയ്ത് രണ്ട് ദിവസത്തിന് ശേഷമാണ് സംഭവം നടന്നത്.
ഇൻസ്റ്റിറ്റ്യൂട്ടിലെ പ്രീ യൂണിവേഴ്സിറ്റി കോഴ്‌സ് (പിയുസി) ഒന്നാം വർഷ വിദ്യാർത്ഥിനിയും സിദ്ദിപേട്ട് ജില്ല സ്വദേശിയുമായ പെൺകുട്ടി ബുധനാഴ്ച രാത്രി കാമ്പസിലെ ഹോസ്റ്റൽ കെട്ടിടത്തിന്റെ നാലാം നിലയിൽ നിന്ന് “അബദ്ധത്തിൽ” വീണ് മരിച്ചതാക്കാമെന്ന് പോലീസ് പറഞ്ഞു.
വിദ്യാർത്ഥി അബോധാവസ്ഥയിൽ കിടക്കുന്നത് ശ്രദ്ധയിൽപ്പെട്ട സുരക്ഷാ ഉദ്യോഗസ്ഥർ അവളെ ആദ്യം ഭൈൻസ ടൗണിലെ ആശുപത്രിയിലേക്ക് കൊണ്ടുപോകുകയും, അവിടെ നിന്ന് നിർമ്മൽ ടൗണിലെ മറ്റൊരു ആശുപത്രിയിലേക്ക് മാറ്റുകയും ചെയ്തു. പരിശോധനയിൽ പെൺകുട്ടി മരിച്ചതായി ഡോക്ടർമാർ അറിയിച്ചു. പോലീസ് വ്യക്തമാക്കി. സംഭവത്തിൽ ദുരൂഹതയുണ്ടെന്ന് ആരോപിച്ച്, വീണ സ്ഥലം പരിശോധിക്കാൻ പെൺകുട്ടിയുടെ മാതാപിതാക്കൾ പോലീസിനോട് അഭ്യർത്ഥിച്ചു, തുടർന്ന് പോലീസ് പ്രദേശം പരിശോധിച്ചു.
അടുത്ത ദിവസം പരീക്ഷകൾ നടക്കുന്നതിനാൽ മകൾ മൊബൈൽ ഫോണിൽ വീഡിയോ ഷെയറിംഗ് പ്ലാറ്റ്‌ഫോമിൽ പഠിക്കുകയായിരുന്നു. ആ സമയത്ത് അവൾ “അബദ്ധത്തിൽ” കെട്ടിടത്തിൽ നിന്ന് വീണതാകാമെന്നും മാതാപിതാക്കൾ പോലീസിനോട് പറഞ്ഞു. അതേസമയം, സർവകലാശാല അധികൃതരും ഇക്കാര്യം സ്ഥിരീകരിച്ചു. അതനുസരിച്ച്, സെക്ഷൻ 174 CrPC (സംശയാസ്‌പദമായ മരണം) പ്രകാരം കേസെടുത്തതായി ഒരു മുതിർന്ന പോലീസ് ഉദ്യോഗസ്ഥൻ പറഞ്ഞു.