എനിക്ക് വിശക്കുന്നു, എന്‍റെ അമ്മ മരിച്ചുപോയി; രക്ഷപെട്ടപാടേ അവർ പറഞ്ഞ വാക്കുകൾ; ശ്വാസം നിലയ്ക്കും മുമ്പേ അമ്മ കാട്ടിയ വഴിയേ നടന്ന നാല് കുഞ്ഞുങ്ങൾ

കൊളംബിയ: വിമാനാപകടത്തിൽപ്പെട്ട് കാട്ടിലകപ്പെട്ട ആ നാല് കുട്ടികളുടെ കഥ അറിഞ്ഞവർക്കൊക്കെയും അത്ഭുതമായിരുന്നു. 40 ദിവസം ആസോൺ വനത്തിൽ അലഞ്ഞ കുട്ടികൾ ഒടുവിൽ രക്ഷാപ്രവർത്തകർക്ക് മുന്നിലെത്തിയപ്പോൾ രണ്ട് വാക്കുകളായിരുന്നു പറഞ്ഞത്. കഴിഞ്ഞദിവസം മാധ്യമങ്ങളോട് സംസാരിക്കവെയാണ് രക്ഷാപ്രവർത്തകർ കുട്ടികളുടെ മുന്നിലേക്ക് തങ്ങൾ എത്തപ്പെട്ട നിമിഷം വിവരിച്ചത്. അപകടത്തിൽപ്പെട്ട സ്ഥലത്ത് നിന്ന് തങ്ങൾ എങ്ങനെയാണ് പുറത്ത് കടന്നതെന്നും മരിക്കുന്നതിന് അമ്മ എന്താണ് പറഞ്ഞതെന്നുമൊക്കെ കുട്ടികൾ തങ്ങളോട് പറഞ്ഞിരുന്നെന്നും സംഘം വ്യക്തമാക്കി.