അഞ്ചു ദിവസമായി ഞാൻ ഉറങ്ങിയിട്ട്, തലവെട്ടും എന്നാണ് പറയുന്നത് അങ്ങനെ ഉണ്ടാകുമോ? സൗദിയിൽ ജയിലിൽ കഴിയുന്ന പ്രവാസിയെ കണ്ട അനുഭവം പങ്കുവെച്ച സാമൂഹിക പ്രവർത്തകന്റെ കുറിപ്പ് ശ്രദ്ധനേടുന്നു

സൗദി.. സൗദിയിലെ ജയിലിൽ കഴിയുന്ന പ്രവാസിയെ കണ്ട സാമൂഹിക പ്രവർത്തകൻ നാസർ മദനി ഫേസ്ബുക്കിലൂടെ പങ്കുവെച്ച കുറിപ്പാണ് ശ്രദ്ധ നേടുന്നത്. അനധികൃത പണം വാഹനത്തിൽ കണ്ടെത്തിയ കേസിൽ ആണ് പോലീസ് പ്രവാസിയെ അറസ്റ്റ് ചെയ്യുന്നത്. എന്നാൽ പിടിക്കപ്പെട്ടപ്പോൾ ഈ കാശ് നിങ്ങൾ എടുത്ത് എന്നെ ഒഴിവാക്കിത്തരണം എന്ന് അദ്ദേഹം പോലീസിനോട് പറഞ്ഞു. ഇത് അടുത്ത കേസായി മാറി. അനധികൃതമായ പണം പിടിച്ചു, ഒപ്പം സൈനികർക്ക് കൈക്കൂലി കൊടുത്തു രക്ഷപ്പെടാൻ ശ്രമിച്ചു ഇങ്ങനെ രണ്ട് കേസുകൾ ആയി മാറി. സാമൂഹിക പ്രവർത്തകൻ നാസർ മദനി ഫേസ്ബുക്കിൽ പങ്കുവെച്ച കുറിപ്പ് വായിക്കാം.