മുതിര്‍ന്ന കന്നട സിനിമാ താരം മോഹന്‍ ജുനേജ അന്തരിച്ചു. അസുഖങ്ങളെ തുടര്‍ന്ന് ഏറെക്കാലമായി ചികിത്സയിലായിരുന്നു. ബെംഗ്‌ളൂറിലെ ആശുപത്രിയില്‍വച്ചാണ് അന്ത്യം. കരിയറിലാകെ 100 ലേറെ ചിത്രങ്ങളില്‍ അഭിനയിച്ചു.
വന്‍ വാണിജ്യവിജയം നേടിയ കന്നട ചിത്രം കെജിഎഫിന്റെ രണ്ടു ഭാഗങ്ങളിലും അദ്ദേഹം അഭിനയിച്ചിട്ടുണ്ട്. രാജ്യത്താകെ തരംഗമായ കെജിഎഫിലെ വേഷം ശ്രദ്ധേയമായിരുന്നു.
കന്നടയ്ക്ക് പുറമെ മലയാളം, തമിഴ്, തെലുങ്ക്, ഹിന്ദി സിനിമകളിലും ഹാസ്യതാരമായി വെള്ളിത്തിരയെ പൊട്ടിച്ചിരിപ്പിച്ചിട്ടുണ്ട്. ടിവി സീരിയലുകളിലും അഭിനയിച്ചിട്ടുണ്ട്. കര്‍ണാടകയിലെ തുംകുര്‍ സ്വദേശിയായ മോഹന്‍ ബെംഗ്‌ളൂറിലാണ് പഠിച്ചതും സ്ഥിര താമസവും. സംസ്‌കാര ചടങ്ങുകള്‍ ശനിയാഴ്ച നടക്കും.