നാറ്റോയും റഷ്യയും തമ്മിലുള്ള സംഘര്‍ഷം മൂന്നാം ലോക മഹായുദ്ധമാണെന്ന് യുഎസ് പ്രസിഡന്റ് ജോ ബൈഡന്‍. നാറ്റോയും അമേരിക്കയും യുക്രൈനില്‍ റഷ്യയുമായി ഏറ്റുമുട്ടില്ലെന്നും എന്നാല്‍ മൂന്നാം ലോക മഹായുദ്ധമുണ്ടായാല്‍ നാറ്റോക്ക് വേണ്ടി പോരാടുമെന്നും ബൈഡന്‍ വ്യക്തമാക്കി.
നാറ്റോയുടെ ഓരോ ഇഞ്ച് സ്ഥലവും സംരക്ഷിക്കും. യുക്രൈന് പിന്തുണ നല്‍കുമ്പോള്‍ തന്നെ യൂറോപ്പിലെ സഖ്യകക്ഷികളുമായി ഒരുമിച്ച് നില്‍ക്കുമെന്നും ബൈഡന്‍ വ്യക്തമാക്കി.റഷ്യക്ക് എതിരെ കൂടുതല്‍ ഉപരോധം പ്രഖ്യാപിച്ചതിന് ശേഷം ഫിലാഡല്‍ഫിയയില്‍ സംസാരിക്കുകയായിരുന്നു ബൈഡന്‍